Reportajen estudante estajiadu UNTL, Joanina Casemiro
Membru Parlamentu Foinsa’e (MPF) Munisípiu Dili organiza seminariu tematiku Importánsia ho oportunidade no Dezafiu Ba Utilizasaun Instrumentu Media Online.
Prezidente Membru Parlamentu Foinsa’e (PMPF) Munisipiu Dili, Ronaldo Ima Dias Do Rego hateten, objetivu husi semináriu ida ne’e mak atu hasa’e foinsa’e sira nia koinesementu, relasiona ho tópiku oinsa foinsa’e sira bele utiliza media instrumentu online di’ak no efetivu, la’os utiliza de’it ho efetivu, maibe sira mos tenke iha oportunidade ne’ebé oferese iha media online, atu nune’e bele hetan benefísiu hosi instrumentu sira iha media online ne’e rasik.
“Ami nia objetivu realiza seminar ida ne’e loke ba públiku hanaran Forum Alumni Parlamentu FoinsaTimor-Leste (APFTL) ami hetan apoiu husi Sekretariu Estadu Juventude no Desportu (SEJD) kolaborasaun ho Xanana Gusmão Reading Room. Atividade ida ne’e loke ba pùbliku tantu ba estudante, foinsa’e sira no ba joven sira ne’ebé la asesu ba edukasaun”, dehan Ronaldo iha Salaun Xanana Reading Room, 06/07.
Iha parte hanesan Executive Director Fundasaun Hadomi Timor, Nicho Linux hateten importánsia, oportunidade no dezafiu ba ita nia adaptasaun iha media digital, oinsá bele kriativu liután, hodi bele utiliza instrumentu media dijitál, no bele fasilita moris lor-loron nian.
“Uza media digital ne’e hanesan meus ida para atu halo komunikasaun , di’ak liu gasta ita nia tempu hodi kria produtu plataforma digital, ajuda ita nia servisu iha aprendizajen hodi bele kontribui ba iha futuru Nasaun nian”, dehan Ronaldo
Atividade refere hetan apoiu fundusu husi Sekretariu Estadu Juventude no Desportu, no atividade hanesan hala’o ona iha Metinaru, organiza joven sira vizita Kios Matenek hodi aprende atividade pozitivu sira ne’ebe grupu joven sira halo.
