Reportajen David da Costa Gusmao
Vise-Ministru Finansas (V-MF), António Freitas informa ba jornalista sira katak hasoru malu ho Primeiru Ministru (PM), Taur Matan Ruak hodi relata kona-ba serbisu sensus populasaun no uma-kain 2022 nian ba PM, no iha sensu populasaun no uma-kain ne’e total preliminaria iha Timor-Leste 1,3 miloens.
“Ohin mai informa sensu populasaun no uma-kain 2022, ita konklui ona sensu populasaun uma-kain iha munisípiu sira hotu inklui Dili iha dia 5 Outubru. Dili maka ita estende to’o iha dia 7 Outubru, tanba ita hahú ita nia sensus, ita mós iha serimónia ba kardiál nian. Totál Populasaun iha Timor-Leste preliminariamente 1,3 miloens,” dehan Vise-Ministru Finansas António hafoin remata ekontru ho PM Taur iha Farol, Tersa 11/10.
Nune’e Iha munisípiu Dili populasaun sira balun maka seidauk halo sensus, maibé sensus ne’e konklui ona iha dia 7 Outubru, no ekipa tekniku husi Diresaun Jerál estatístika prepara hela relatóriu no rekomendasaun. Iha rekomendasaun iha relatóriu ne’e maka depois deside fali iha komisaun nasionál, tanba labele foti dezisaun mesak.
“kestoens ida ohin mós hau ko’alia ho Primeiru Ministru, nestemomentu ita boot sira hatene ami konklui iha dia 7, ekipa tekniku husi diresaun jerál estatistika prepara hela relatóriu no mós rekomendasoens, depois maka deside iha komisaun nasionál. Hau lakoi foti uluk dezisaun ba ne’ebá, maibé hato’o on aba PM,” nia esplika.
Nia haktuir Primeiru Ministru rasik mós husu para ekipa tekniku prepara relatoriu kompleitu liga ba implemtasaun sensus populasaun uma-kain 2022 ne’e, Tanba sensus ba dala ikus ho dusaun tinan lima maka foin halo fali. Sensu populsaun uma-kain iha Dili foin atinje ba iha 87%, tanba populsaun iha Dili ne’e boot.
“Husu ita boot sira, Ita hein husi rekomendasoens husi ekipa tekniku sensus nian, provabilidade boot, tanba dili ita foin atinje 87%, kresimentu uma-kain iha Dili ne’e boot la halimar, ne’ebé ita hein husi komisaun tekneiku,” nia husu.
