Reportajen Umbelina dos Reis
Prezidente Autoridade Munisípiu Bobonaro (PAMB) Ernesto de Oliveira Barreto hateten, istória Balibo Five ne’e la’os ba de’it Munisípiu Bobonaro maibé sai hanesan imajen nasaun Timor-Leste nian.
“Fatin Balibo Five nee Komemora ona ba dala loron 47, nune’e dezenvolve ba oin, tanba Balibo Five nee fatin Ístoria ida ba Timor laran tomak, descerteza que Balibo oin seluk no sai Imajen ba Nasaun Timor-leste, espera katak tinan 10 mai tan nee Balibo Five labele sai hanesan nee beibeik tanba nee Imajen nasaun ninian,” dehan Prezidenti Autoridade munisipiu Bobonaro ba Jornalista sira iha Balibo Vila, Sabadu 15/10
Ho ida ne’e Prezidente Autoridade Munisípiu Bobonaro iha ona planu atu hari’i Jardin ida iha Balibo Five no halo sai fatin turismu iha Balibo, tanba laos tur deit Balibo five ne’e mosu de’it mai, maibé tanba liuhusi funu boot mak jornalista nain 5 lakon sira nia vida ba raí ida nee iha fatin ne’e no halo ohin loron ema hotu bele hasoru malu fali iha ne’e.
“Ita iha planu halo Jardin ida iha fatin ida ne’e no sai fatin turizmu, maibé depende ba orsamentu ne’ebé mak atribui ba iha Munisipiu hodi nune’e dezemvolve ba rai ne’e. ami mos iha planu limite karik tinan 2023 tama ba poder lokál ha’u sei tau prioridade ba ístoria Balibo Five, tanba laos dehan ita tur tur Balibo five ne’e mosu de’it, maibé tanba liuhusi funu boot mak sira lakon sira nia vida ba raí ida nee , Karik Sira nain 5 nee la mate mos ohin loron ita la hasoru malu fali, ” dehan Ernesto
Nia konklui fatin Balibo Five nee dalan protokolu entre Timor ho Indonesia, mos lao ba mai entaun tenkí iha mudansa ba fatin nee hanesan tanba fatin nee Imajen no ístoria nasaun Timor-Leste nian.