Home Notisia SEII Kontinua Fasilita Formasaun Ba Feto Potensiál no Feto ho Difisiensia, Prepara-an...

SEII Kontinua Fasilita Formasaun Ba Feto Potensiál no Feto ho Difisiensia, Prepara-an Ba Eleisaun 2023

396
0
SEII Halo konferensia imprensa. [Foto: Joselina | 26.10.2022]

Reportajen Joselina dos Santos

Sekretaria Estadu ba Igualdade no Inkluzaun (SEII), sei fafatin fó formasaun ba feto potensial sira inklui  ema ho defisiénsia, atu bele aumenta sira nia kapasidade hodi prepara-n kandidata ba iha eleisaun 2023 nian, liu husi orsamentu ne’ebe SEII iha tanba partisipasaun feto iha vida politika menus hanesan dadaun ne’e, iha Parlamentu Nasional Feto nia partisipasaun 40%, Sefi Suku  5%, Xefi Aldeia 4%.

Liu Husi Konferensia Imprensa, Sekretaria Estadu Igualdade no Inkluzaun, Maria do Rosário Fátima Correia hatete, Orsamentu Jeral do Estadu (OJE),  2022 aktualmente dadaun ne’e diskusaun hamutuk 68% fahe ba kategoria tolu, hanesan Salariu Bens servisu ho transferensia publiku no Kapital Humanu. Orsamentu ne’e balun aloka ba prepasaun loron nasional feto hola montante $ 20 mill ne’ebe Mai husi SEII rasik, atividade Nasionalmente  selebra iha Dili, maibe aloka mos orsamentu $2 mill ba kada Munisipiu, liu husi ponto fokal jeneru idak-idak nian hodi organiza atividade iha nivel munispiu sira.

“Orsamentu hirak ne’e ami uza ba atividade vensimentu ba funsionariu no mos ekipa tekniku inklui mos tranferensia publiku, aleinde mos  apoiu orsamentu ba grupu benefisiariu sira hamutuk 400  ne’ebe mai ho mekanismu rotativa hodi bele ajuda sira atu hala’o sira nia atividade negosiu”, Dehan, Sekretaria Estadu Maria do Rosário Fátima Correia,  liu husi Konferensia Imprensa iha Salaun SEII Kaikoli,  26/10.

Nia Dehan orsamentu balun ami aloka atu halo prevensaun violensia bazeia ba jeneru ba feto no labarik feto no maluk difisiensia sira, no mos halo sosializasaun ba Autoridade lokal sira estudante sira atu bele minimiza violensia sira ne’ebe akontese liu husi área tematiku sira ne’e atu haforsa feto iha área ekonomia hodi hasa’e sira nia koiñesimentu.

“Ami sei kontinua  fó formasaun ba feto maluk sira iha Munisipiu atu enkoraja sira hodi bele partisipa iha vida politika no mos prepara aan hodi bele kandidata aan ba iha Xefi Suku no xefi aldeia, inklui mos ba maluk difisiensia sira hodi bele kandidata aan Mezmu ho kondisaun difisiensia matan no difisiensia fiziku maibe sira iha kapasidade hodi kompete iha eleisaun 2023 nian”, nia selenta.

Print Friendly, PDF & Email

LEAVE A REPLY

Please enter your comment!
Please enter your name here