Reportajen Joselina dos Santos
AJTL konsidera buat ne’ebe Autoridade seguransa sira halo Liu-husi PCIC hodi halo inkeritu ba jornalista Diariu Indepeden Domingos Gomes ho Xefi Redasaun Jorgino dos Santos ne’e la tuir lei espesifiku Komunikasaun Sosial nian. AJTL sei kontinua firmi defende liberdade imprensa.
Xefe Advokasia no Legal iha Asosiasaun Jornalista Timor-Leste (AJTL), Scos Veira hatete, kazu ne’e kazu interior ne’ebé husi Ministeriu Interiór no PNTL nian. Sé Ministeriu Interiór no PNTL sente katak jornalista nia notísia ne’e hakanek tenke halo karta diretamente ba redasaun.L a’os liu fali hosi PNTL ka sé deit maibé tenke ba redasaun atu nune’e redasaun bele halo diretu resposta no retifikasaun tuir Lei Komunikasaun Sosial.
“Ita nia Lei Komunikasaun Sosial iha tiha ona, entaun ita labele uza lei jeral tanba ema bolu kona-ba deroga, entaun lei jeral ne’e ita uza bainhira lei espesifiku seidauk iha. Dadaun ne’e lei komunikasaun sosial iha ona tanba ne’e bainhira jornalista halo sala iha artigu direitu reposta no halo retifikasaun”, dehan Reprezentante Asosiasaun Jornalista Timor-Leste (AJTL), Scos Veira iha edifisiu PCIC Kolmera, Sexta 23/12. PCIC halo dadaun ne’e hanesan aktu ka prosesu ida ne’ebe atu bele hatauk jornalista sira maibé jornalista sira sei la tauk tanba kazu ne’ebé dadaun ne’e mosu ne’e Konstituisaun garante jornalista nia direitu. AJTL sei kontinua nafatin ho jornalista sira hodi defende liberdade imprensa to’o ne’ebe de’it
