Home EduTek Elizabet La Satisfás ho MEJD nia Rekrutamentu Ba Manorin Voluntáriu, Mosu Diskriminasaun

Elizabet La Satisfás ho MEJD nia Rekrutamentu Ba Manorin Voluntáriu, Mosu Diskriminasaun

1753
0
Manorin voluntáriu Elizabet Luis de Andrade hosi eskola Sekundária Katólika São João Bosco do Reino de Venilale. [Foto: Adroaldo | 13.01.2023]

Reportajen Adroadlo “Saretukau”

Manorin voluntáriu Elizabet Luis de Andrade hosi eskola Sekundária Katólika São João Bosco do Reino de Venilale, la satisfas ho rekrutamentu profesor voluntáriu ne’ebé Ministériu Edukasaun Juventude no Desportu (MEJD) halo, tanba la balansu entre eskola públiku no privadu, maibé prioridade liu ba eskola públiku sira.

“Ami nia preokupasaun konabá rekrutamentu ne’ebé halo husi Ministériu Edukasuaun ba manorin voluntáriu. La satisfas ho rekrutamentu refere, nu’udar manorin voluntáriu sente deskriminadu tanba rekrutamentu la halo balansu ba manorin sira ne’ebé hanorin iha eskola privadu no eskola públiku sira maibé fo prioridade liu ba eskola públiku, senti dúvida será ke ami sira ne’e sidadaun Timor-oan ka lae? No estudante sira ne’ebé ami hanorin sidadaun Timor ka lae?,” manorin voluntáriu Elizabet hato’o nia preokupasaun ba Neon Metin foin la-lais ne’e.

Tuir observasaun pesoál Profesora Elizabet nian, eskola privadu sira mos hatudu rezultadu di’ak iha rai ida ne’e, tanba ne’e nu’udar manorin voluntáriu hakarak sujere ba Ministériu Edukasaun atu halo rekrutamentu balansu ba eskola hotu.

“Rekrutamentu tenke iha balansu ba manorin sira hotu-hotu tantu iha eskola públiku ka privadu. Ministériu Edukasaun tenke tau mos konsiderasaun ba ami manorin sira ne’ebé hanorin iha eskola privada ka katólika,” nia sujere.

Total Profesór voluntáriu iha eskola Sekúndaria Katólika São João Bosco do Reino de Venilale hamutuk na’in 11, kompostu husi mane na’in 5 no feto na’in 6. Professor hirak ne’e, ida hahú hanorin iha 2015, ida hahú iha 2017, na’in rua iha 2018 no sira seluk hanorin hahú iha 2019.

Print Friendly, PDF & Email

LEAVE A REPLY

Please enter your comment!
Please enter your name here