Reportajen Estajiada Agustinha Amaral
Asosiasaun TANE Konsumidor hala’o Peskiza kona-ba presu kombustível iha Bomba Gajolina 21 iha Dili laran, hodi halo komparasaun folin mina iha merkadu nasional hodi tulun enkamiña konsumnudor sira ba folin ida ne’ebé baratu liu
Prezidente Asosisaun TANE Konsumidor, Antonio Ramos da Silva, hatete, objetivu husi peskiza ne’e oinsá habelar informasaun ba konsumidor sira kona-ba peskiza ida ne’e, tanba sira konsidera peskiza kona-ba folin mina ne’e importante atu bele ajuda konsumidor sira hatene folin mina ka konbustivel iha bomba gajolina sira iha Dili laran, no bele enkamiña sira ba ida ne’ebé maka baratu liu.
“Tuir dadus TANE Konsumidor foti iha loron 7 fulan Fevereiru 2023, iha merkadu nasional hamutuk postu gazolina, Pom Bensin, iha Dili laran hamutuk 21 husi distribuidor 3, ETO, Pertamina Internasional no Global. Distribuidor tolu ne’e foti mina husi Singapore hotu,” dehan Presedente Asosisaun TANE Konsumidor Antonio Ramos da Silva ba jornalista iha nia knaar fatin, Travessa Vila-Verde, Aldeia Gideon, Díli Kuarta, 15/02.
Nia dehan, folin gazoel ho gazolina la hanesan entre postu sira iha Dili. Folin gazoel maximu US $1.56 iha Mãe da Grasa, folin mínimu $1,35 iha ETO Fuel no gazolina maximu US $1.35 iha Mãe da Graça, minimu US $1.25 iha Aitula fuel. “Enkuanto folin mina matak iha Brent London ne’ebé referénsia ba merkadu Ázia-Pasífiku, loke negósiu ho folin US $85.92 kada barril/bidun ida, kompara ho folin gazolina no gazoel iha merkadu nasional diferensa. Folin mina matak iha WTI Crude oil price ho folin US $79.3, Kompara ho folin mina iha merkadu nasional.”
Iha Enkuadramentu legal, alterasaun ba Dekretu Lei Nº 29 tinan 2011, konaba Presu Justu, adota rejime legal nesáriu hodi regulariza, tanba tuir dekretu lei ne’ebé mak regulariza koanaba folin sasan ka presu justu, la kontempla konaba estabelese tabela konaba folin mina.
Sorin seluk, dekretu lei ne’e hatuur konaba knaar ANPM ne’ebé mos la fó Kbiit konaba estabelese no kontrola folin mina iha merkadu, ba Timor Gap, Empresa Pública, bele fornese mos mina liu husi estabelese postu kombustível.
