Home Notisia Konferénsia Nasionál Ba Eleisaun, Partidu hotu tenke Respeita Malu no Iha Étika

Konferénsia Nasionál Ba Eleisaun, Partidu hotu tenke Respeita Malu no Iha Étika

398
0
CNE organiza konferensia nasional ba eleisaun. [Foto: Media PR | 12.04.2023]

Reportajen David da Costa Gusmao

Komisaun Nasionál Eleisaun (CNE) halo Konferénsia Nasionál ba eleisaun pasifika, atu garante pas no estabilidade iha eleisaun parlamentár tinan ne’e, ho tema “A Fraternidade Humana como Factor Essencial para a Consolidação da Paz e da Estabilidade Democratica”.

Prezidente Komisaun Nasionál Elisoens (CNE), José Agostinho Belo hateten, importante husi konferénsia Nasionál ida ne’e maka kona-ba eleisaun pasifika ne’ebé sei akontese iha loron 21 Maiu 2023, eleisaun sai sasukat ida, parte husi demokrasia tanba ne’e maka CNE liuhusi instituisaun ne’ebé hamriik, hodi halo vizita ida ba reprezentante igreja hotu iha Timor-Leste hanesan Katólika, izlámiku no Protestante.

Tanba eleisaun ida ne’e la’os buat foun hodi halo preparasaun ba iha eleisaun tuir mai. Uluk liu halo elisaun prezidensiál nia CNE halo faktu unidade nasionál maibé introdús kultura Timor nian. Maibé eleisaun ida agora CNE halo fali faktu Fraternidade umana atu nune’e eleisaun ida mai ne’e la’o di’ak.

“Ho fraternidade umana ne’ebé iha, ita Timoroan tomak sai ona parte husi Fraternidade umana, ita sente dehan ida ne’e sei realidade, ita introdus ida ne’e ba partidu politiku sira para ita nia eleisaun ida ne’ebé-ke mai, eleisaun tenke la’o di’ak ho pas estabilidade no respeita malu,” dehan Prezidente CNE, José Agostinho iha Salaun Lalini larigutu CNE, Kuarta 12/04.

Nia haktuir, tanba maioria Timoroan sempre komunika malu, fiar malu ho nia manalin no familia sira, entaun CNE nia hakarak kampaíña ne’ebé mai iha loron 18 to’o iha rohan, tenke liafuan sira ne’ebé ko’alia tenke dignu, di’ak no liafuan ne’ebé halo povu latrauma, atu nune’e povu sira  bele partisipa iha eleisaun ne’e ho másimu.

“Objetivu ida ne’e maka ita hakarak introdús, ita la halo kultura ne’ebé ita sente sakrifika mos animal ka sasan i la hatudu katak ita halo buat sira ne’e, maibé ita hakarak dehan ita bele halo eleisaun, bele halo politika mas ho etika no fiar”, dehan Jose Belo

CNE iha espetativa hamutuk ho seguransa sira hotu, hodi bele asegura partidu hamutuk 17, atu mantein paz no estabilidade, no bainhira ida lakon ka manan kontinua simu malu

Iha Konferénsia Nasionál oradór nain tolu maka hanesan Prezidente Republika, Dr José Ramos Horta, Eminénsia Virgílio Cardeal do Carmo da Silva SDB, no Reprezentante Santa Sé iha Timor-Leste, Marco Sprizzi.

Print Friendly, PDF & Email

LEAVE A REPLY

Please enter your comment!
Please enter your name here