Home Notisia Programa SEI, Kontinua Empodera Feto Iha Ekonomia no Partisipasaun Feto iha Vida...

Programa SEI, Kontinua Empodera Feto Iha Ekonomia no Partisipasaun Feto iha Vida Polítika

1476
0
Sekretáriu Estadu Igualdade (SEI) Elvina Sousa Carvalho hasai foto hamutuk ho parseiru dezenvolvimentu sira. [Foto: Agustina | 11.08.2023]

Reportajen Agustinha Amaral

Tuir Sekretáriu Estadu Igualdade (SEI) Elvina Sousa Carvalho hateten, prioridade SEI nian kontinua hala’o programa ba impoderamente feto iha vida ekonomia, partisipasaun feto iha vida politika no aktividade ba grupu feto sira iha munisípiu.

“Povu Timor-Leste mak feto no mane entaun ita presiza maximiza investimentu iha ita-nia rekursu sira atu hadi’a ita-nia povu feto no mane sira-nia moris-di’ak iha setór hotu-hotu,” hateten Sekretáriu Estadu SEI ba jornalista iha Suai room moTimor  Plaza, kinta,10/08.

Nia dehan, ohin enkontru hamutuk entre SEI ho paseiru internasional sira hanesan UN Women, no parseiru sira sira seluk atu ko’alia hodi haree ba atinji igualdade jéneru nian.

“Sei haree mos ba planu governu nian eh liu-liu SEI ninian atu bele atinji sosiedade ida ke igual no inkluzivu atu dehan katak servisu SEI nian entre parseria sira la’os foin hahu, maibe desde uluk kedas to’o agora,” tenik Sekretáriu Estadu SEI.

Atu dehan katak misaun saida mak iha ita labele atinji mesak, maibe presiza mos parseria, ajénsia nasional, internasional no sosiedade sivil sira, ida ne’e responsabilidade ema hotu nian hodi bele atinji sosiedade ida ne’ebe igual no inkluzivu.

“Tanba iha ajénsia internasionais barak mak marka presenza iha ne’e sira mai ho programa oi-oin hanesan igualdade jéneru pro-igualdade jéneru ho nune’e mak ohin loron enkontru hamutuk hodi haree katak saida mak parseria sira bele no saida mak ita bele halo,” nia esplika.

Tinan ida ne’e SEI nafatin uza orsamentu uluk ne’ebe mak aprentazenta husi governu anterior ou SEI anterior, maibe iha mudansa ki’ik ida ne’ebe hala’o interna de’it ho orsamentu 2 milloens liu, ne’e ba SEI nafatin sei kontinua uza.

“Fiar katak ezekusaun bele dehan katak to’o ona 50 pursentu garante katak ezekusaun ho di’ak no gualidade iha tinan ne’e,” nia akresenta.

Prioridade uluk aprezenta hodi kontinua hala’o mai to’o agora ne’e mak impoderamente feto iha vida ekonomia, partisipasaun feto iha vida politika no grupu feto sira iha munisípiu inklui mos aktividade regular SEI nian.

Iha fatin hanesan Diretora UN Women Timor-Leste, Nishtha Satyam informa, enkontru ohin, nia sente kontenti tebes, tanba hamutuk ho SEI bele hare saida mak prioridade governu nian liu-husi SEI oinsa atu servisu hamutuk haree konaba asuntu igualidade jéneru

“Tanba ne’e la’os enkontru entre UN women ho SII de’it lae, maibe bolu antensaun ba parseria sira hotu oinsa atu servisu hamutuk hodi apoio prioridade governu nia servisu liu-liu ba sekratariu estadu ba igualidade,” nia akresenta.

UN Women servisu hamutuk oinsa atu apoio SEI nia prioridade sira, maibe ikus liu oinsa atu alinha programa ida hakbiit feto iha ekonomi no mos partisipasaun feto iha vida politika inklui mos feto paz no siguransa.

Print Friendly, PDF & Email

LEAVE A REPLY

Please enter your comment!
Please enter your name here