Reportajen Filomena da Conceicao
Presidente da Repúblika (PR), José Ramos Horta, hateten, objetivo importante husi vizita Boxista Manny Pacquiao ne’e, atu anima programa desportivu iha Timor-Leste no espesifiku joven barak mak gosta nia.
“Ha’u nia esperansa husi manny pacquiao nia vizita maka primeiru Manny pacquiao nia naran koinesidu iha fatin hotu-hotu iha mundu, no iha Timor-Leste joven sira koñese, segundu promove desportu em jeral, no terseiru atu hametin liu tan relasaun people to people husi filipina no Timor-Leste, no relasaun antigu ona povu Filipina sira sempre apoia ita,” dehan Presidente da Repúblika, José Ramos Horta, ba Jornalista sira bainhira remata inkontru ho boxista Manny pacquiao iha Palacio ba Bairro-Pite sesta, 29/09
Nia haktuir, Importante husi vizita Boxista Manny Pacquiao, atu anima desportiva, iha Timor-Leste no espesifiku husi joven barak mak gosta ida ne’e. Tanba Timor-oan barak lubuk maka ida mak uluk ba estuda iha Filipina atu hamutuk atus resin mak iha ne’ebá, portanto nasaun Katólika rua importante liu iha Ásia mak Timor-Leste ho Filipina.
“Nune’e, loron 28 Novembru, ne’ebé mak Loron Independensia ka 20 Maio tinan oin mai. Restaurasaun iha loron Independensia ne’ebé ha’u hakarak ko’alia, Senador Pacquiao. Funu-na’in boot ne’ebé reprezenta ema Filipina ho orden Timor-Leste nian, no depois ne’e senador fila fali. Hanesan nia hateten, ami lori boxers mai no 40 tan di’ak. Benvindu iha nee. Senador ne’e sei sai nu’udar ema ne’ebé tau matan ba Filipina no prezidénsia ne’e sei halo funu,” dehan Presidente da Repúblika.
Iha fatin hanesan Boxista Manny Pacquiao hateten, Nia parte apresia ho Timor-Leste nia obrigasaun no bem-vindo di’ak ba nian, tanba pela primeira vez mai vizita iha Timo-Leste.
“Ha’u hanoin katak sira mós hakarak haree dezeñu sira kona-ba mundu ne’e nia presaun sei mai no kona-ba buat hotu. No imi hotu iha meiu komunikasaun sosiál ba benvindu di’ak ne’e, ne’e mak ha’u-nia dalan primeiru iha Timor-Leste ami apresia imi-nia obrigasaun no benvindu di’ak ba ami.” Dehan Manny Pacquiao.
Entretantu vizita husi Boxista refere iha Timor-Leste sei hala’o durante loron tolu hahú husi 28-30 fulan Setembru.
