Home Saude 4 Maiu, MS Kontinua Rejista kazu Dengue Foun 28, Kazu Akumulativu 4627

4 Maiu, MS Kontinua Rejista kazu Dengue Foun 28, Kazu Akumulativu 4627

98
0
Ilustrasaun susuk dengue. [Foto: google | 18.01.2022]

Reportajen David da Costa Gusmao

Tuir dadus ne’ebe relata hosi Diresaun Nasionál Saúde Publika (DNSP) no Departamento Vijilansia EpidemiolojiaMinisteiru Saúde (MS) nian iha loron 4 Maiu, ne’ebe Neon Metin asesu, ohin Ms  kontinua  rejista kazu dengue foun nain 28,  kazu dengue hamutuk 4627 no labarik mate ba dengue hamutuk nain 52 ona.

“Situasaun kazu dengue Iha Timor-Leste, ohin loron 4 maiu  2022, Ministeriu Saude (MS) rejista kazu dengue foun 28 no kazu foun ne’e hosi Munisipiu Dili hotu de’it  no kazu dengue  akumulativu 4627 no  obitu nain 52,” dehan iha komunikadu Imprensa ne’ebe  neon metin asesu iha kuarta ne’e.

Kazu dengue ne’e maioria  deteta hosi Municipio Dili ho total 3181, Baucau ho kazu 296, kazu, Manufahi kazu 174, Manatuto ho kazu 173 Lautem ho kazu 155, Covalima ho kazu 146, Municipio Ermera ho kazu 118, Liquica kazu 115, Aileu ho kazu 87, Viqueque 75, Bobonaro ho kazu 56, Ainaro ho kazu 45, no RAEOA ho kazu 6.

Em jeral kazu Dengue espalha ona iha territorio Timor Leste laran tomak.No iha fulan Dezembru 2021 kazu komesa aumenta ho total 225, maibe iha Abril 2021 kompara ho Abril 2022 kazu barak liu ho total 700 kazu.

“Idade afektadu maka hosi idade menus husi 14 anos mai kraik ho grupu edade 5-14 ho 42,1% no idade 1- 4 ho  35,0%. Ho ida ne’e Attack Rate (AR) idade 1-14 anos a nivel Nacional ho 0.8%,” Hateten iha Kumunikadu ne’e.

Distribuisaun kazu dengue tuir klasifikasaun dengue ho versaun foun tuir matadalan manajementu kazu ne’ebe relata husi municipio. Husi dia 10 de Abril ate presente maka Dengue Leve (DL) ho total 291 kazu, Dengue Moderadu (DM) ho total 94 kazu no Dengue Severa (DS) ho total 22 kazu.

“Kazu obitu iha inicio tinan 2022 ate a data ho total 52 obitos ida ne’e representa Case Fatality Rate nivel nasional ho porsento 1,1%,” iha kumunikadu ne’e esplika.

Kazu dengue kontinua sae ba beibeik iha Timor-Leste, ho ida ne’e Ministeriu Saude (MS) apela ba populasaun iha Dili laran no mósiha Munisipiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, wainhira  sente isin-manas, ka Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here