Reportagem Filomena da Conceição
Profesores Kontratadu iha tinan 2023 ne’ebé maka nia kontratu remata, konsidera Ministério Edukasaun (ME) no Sekretariu Estadu Tekniku Vokasional (SETV) la respeita valores de boa governasaun nian no la asegura direitu interese legitimos sidadadun nian.
Liuhusi Komunikandu Imprensa portavoz profesores kontratadu, Agostinho Pinto, hateten, profesores kontratadu sira triste tuir lolos iha prosesu inisiu aprendizagem professores sora hamutuk ho estudante hodi aprende no halimar hamutuk iha aula laran maibé hanesan publiku hatene Ministra Edukasaun no sekretariu Estadu ensino secundário no tekniku vokasional hapara kontratu sein karta notifikasaun no bandu ona sira hodi labele hamrik tan iha aulas laran hodi eduka estudante sira.
“Ami hakarak hato’o ami nia lamensaun katak ami profesor kontratadu tinan 2023 hamutuk 1.715, lamenta attitude Ministra Edukasaun no Sek Estadu asunto Ensino secundario jéral no tekniku vokasional la respeita valores de boa governasaun no la asegura direito intresses legitimos dos cidadaões”, dehan Porta-voz Agostinho Pinto ba jornalista sira iha Komunikandu Imprensa, jardim 05 de maio, kinta, 18/01..
Nia hatutan, eskola balu taka ona tanba professor la iha, maibe Ministério Edukasaun uza deit nia arrogancia, hakarak hapara total professor kontratadu tinan 2023 nian, no la konsidera professor nia sacrificio no dedikasaun servisu voluntario tinan 10, molok hetan rekonesimentu husi mandate governo da-8 Ministra Edukasaun no Sekretario Estadu asunto Ensino secundario jéral no tekniku vokasional nia atetude la hatudu vontande nudar governante ida ne’be hetan komfiança husi Primero Ministro, hodi tau intresse nasional a’as liu intresse privadu maibe hakarak kria deit problema no halo deit diskriminasaun ba professor sira.
“Ministra Edukasaun no Sekretario Estadu asunto Ensino secundario no sekniku vokasional labele hakula professor kontratadus sira ne’ebe agora dadaun ami halibur iha ne’e , mesak mate restu sobrevivente, veteranus, martires no pove kik Tamba ne’e ami ilha direito tomak atu servi rai lulik ho i vokasaun no profisaun ne’ebé ami iha”, dehan Nia
Nia husu, Ministra Edukasan no Sekretariu estadu asunto Ensino secundario jéral no tekniku vokasional keta haluha ukun a’an Timor tanba ukun an nee, sura ema hotu nia terus no sofrimentu, tamba ne’e bainhira hetan oportunidade atu servi povu, servi ho fuan no labele ukun hamosu deit problema no diskriminasaun.
