Home Notisia Julgamentu Topu Honis Hahu Ohin, Sasin nain 5 Fo Deklarasaun

Julgamentu Topu Honis Hahu Ohin, Sasin nain 5 Fo Deklarasaun

2802
0
situasaun antes RD tama ba sala julgamentu. [Foto: Jhoe Exposto | 05.07.2021]

Reportajen Jhoe Exposto

Julgamentu ba kazu Topu Honis ne’ebe ohin hahú ona iha loron 5 jullu iha tribunal distritail Oe-cusse, hahú hosi oras tuku 9:30 otl

Iha terenu jornalista Neon Metin observa katak durante prosesu julgamentu família vítima hanesan inan aman sira asiste deit iha liur tanba julgamentu ne’e rasik taka públiku no julgamentu ba ohin loron sasin nain 5 mak hatoo deklarasaun.

Iha dadersan antes julgamentu ne’e hahú arguidu RD hakat ba Tribunal Distrital Oe-cusse (TDO) ho kareta Toyota no hetan seguransa hosi Batalho Orden Publiku (BOP) no sasin sira uza kareta bus Topu Honis. Bainhira RD hakat ain, hodi tama ba sala julgamentu, iha labarik ida tanis ho lian makaas hasoru RD.

RD rasik hetan seguransa másimu husi Segundu Komandante Superidentente  Nikolau F. da Costa, Polisia nasionál Timor Leste (PNTL) rejiaun Oe-ccuse, ho BOP inklui seguransa sivíl rejiaun Oe-cusse.

Julgamentu ba arguidu RD prezide husi Juiz koletivu Yudi Pamungkas, Dr. Hugo da Cruz Pui, Dr. Evangelino Belo, hosi Defensor Publiku mak Dr. Marcelino Marques Coro, Dr. Miguel Acacio Faria, Dr. Joao Dung. Enkuantu hosi Ministeriu Publiku mak Dr. Matias Soares, Dr. Ambrosio Rangel no Dr. Alvaro Barros.

Prosesu julgamentu ne’e hahu hosi tuku 09:30 to’o tuku 12:00 oras meudia, kontinua fali iha oras tuku 14:00 to’o tuku 15:30 otl.

Print Friendly, PDF & Email

LEAVE A REPLY

Please enter your comment!
Please enter your name here