Home Notisia Akara: Media Presiza Verifika, COVID-19 Varian Delta Seidauk Tama Timor

Akara: Media Presiza Verifika, COVID-19 Varian Delta Seidauk Tama Timor

299
0
Sekretáriu Estadu Komunikasaun Sosiál (SECOMS), Mericio Juvinal Akara. [Foto: Media SECOMS | 05.07.2021]

Repotajen Franciso JDA

Relasiona ho media balun ne’ebé publika no hatete katak, variante delta ida tama ona iha Timor-Leste, tuir Sekretáriu Estadu Komunikasaun Sosiál (SECOMS), Mericio Juvinal Akara halao kedas klarifikasaun ba deputadu sira kona ba notísia sira mak agora hasai iha media balun, no media balun publika tau iha headline katak variant foun Delta tama ona iha Timor, maibé bainhira SECOMS konfirma no simu informasaun hosi Centru Integradu no Jestaun Krize (CIJK) no Ministériu Saúde (MS) katak informasaun sai ne’e la los no labele fiar tanba variante foun tama ka la tama tenke liu hosi teste laboratóriu

“Hau husu ba media sira tenki kuidadu, kontribui situasaun para ita labele halo ita nia sidadaun pániku, tanba iha ita nia rai, iha situasaun pandemia ne’ebe dalaruma mosu iha grupu tolu iha ne’e, grupu ida ne’ebe ho intensaun hakarak lansa desinformasaun para destabiliza deit situasaun, halo pániku, grupu ida tan mak halo misinformasaun, ho ignoránsia informasaun la kompletu share no lansa, grupu ida ikus liu ne’ebe hakarak halo mos mal informasaun, iha duni evidénsia no faktus, ne’ebe nia hakarak lansa beibeik para atu hakanek deit ema nia sentimentu no halo moe ema”, hateten Mericio dos Reis Akara iha PN hafoin Parlamentu Nasional halao reuniaun períodu antes orden do dia, 05/07

Mericio dos Reis Akara afirma tan grupu tolu dadaun ne’e funsiona, tanba ne’e  husu ba media sira tenke ho pensamentu krítiku bainhira simu informasaun, mai hosi ne’ebé los ka lae, inklui kazu ohin dehan variante foun tama iha Timor ida ne’e,  la los husu nafatin ba ema hotu atu fiar no rona deit informasaun hosi CIJK no Ministériu Saúde la bele hosi  fatin seluk, no media presiza verifika informasaun los ka lae.

Print Friendly, PDF & Email

LEAVE A REPLY

Please enter your comment!
Please enter your name here