Reportajen David da Costa Gusmao
Ministru Saúde (MS) liu hosi Sala Situasaun Centro Integradu Jestaun Krize (SS-CIJK), ohin rejista tan ona sidadaun timoroan feto tinan 17 hakotu iis iha sala izolamentu Vera Cruz, mais ou menus tuku 16:50 loraik, tanba multiple organ failure.
Koordenadór Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Rui Maria de Araujo, informa ohin relata tan ona óbitu nain ida, ho sexu feto, idade tinan 17, timoroan, hela iha Dili, diagnostikada ho sindroma insufisiénsia respiratória aguda (SIRA) tan bá Covid-19 (Cycle Thresehold E gene 30,7) iha Hospital Nasional Gidu Valadares (HNGV) iha loron 16 Juñu 2021.
“Iha loron ne’e kedas halo transferensia mai iha veira Cruz hodi hala’o tratamentu iha Vera Cruz tuir protokolu Covid-19 nian, inklui oksijenasaun liu husi ventilador,” esplika Dr. Rui liu hosi komunikadu imprensa ne’ebe Neon Metin asesu iha loron, Segunda 5/07.
Nia haktuir hafoin iha loron 18 Juñu, pasiente la mellora, no horseik dia 4 de Jullu iis-kotu iha sala izolamentu Vera Cruz mais ou menus tuku 16:50 loraik, tanbá multiple organ failure.
Nia salienta familia koordena ho ekipa saúde no hala’o ona funeral tuir protokolu ne’ebé adopta iha Timor-Leste.
Entertantu dados jeral ba COVID-19 ohin loron 5 Jullu tinan ne’e, kazu foun 36, kazu rekuperadu 25, kazu ativu baixa 925, kazu óbitu ohin nain 1 no total óbitu hamutuk 25 no total kazu konfirmadu kumulativu sura husi marsu 21 tinan 2020 to’o mai ohin loron Jullu tinan ne’e hamutuk 9512.
