Reportajen Joanina Casamiro
Bee Timor-Leste, Emprega Publiku, (BTL,E.P), servisu hamutuk ho Ministerio da Obras Publica (MOP) lansa Kódigu Konduta no entrega kareta carry Hamutuk 19, kareta hailux ho total orsamentu hamutuk $200 Mill ital.
Objetivu atu ajuda traballadór sira hodi halo servisu no halo tuir, utiliza hodi foka liu ba operasional servisu Bee ho Saneamento nian, aleinde mos guia instituisaun nia prosedimentu administrativa sira, atu la’o tuir lalaok enkudramentu legal ne’ebé iha.
Prezidente Komisaun Ezekutiva BTL,E.P Gustavo da Cruz hateten, rekezitu basiku ida ne’e emprega ne’ebé hodi halo nia knaar, aleinde lansamentu konduta BTL,E.P nia nomos halo Hand Over kareta ba iha diresaun no koordenador sira iha Munisipiu, kareta hamutuk 19 BTL,E.P esforsu tomak tuir rekursu finanseiru ne’ebé iha.
“Kareta ne’e nia pratika ne’ebé emprega uza durante ne’e, transporte hotu la lori ba uma para iha office, kuandu iha nia neseseidade operasional dader nia esepsaun mak situasaun emerjensia entaun tenke bele halo servisu. Ha’u hanoin sufseinte ita haree teritorriu tomak BTL,E.P halo ona intervensaun, tan ne’e seidauk sufseinte pelomenus bele ajuda ona ita-nia tekniku sira atu bele halo servisu, antes ne’e kareta hamutuk 20 ital iha BTL,E.P hodi halo servisu, nune’e ita halo manutensaun bo’ot tebes ho kareta foun, ami bele husu ona kustu ka operasaun ba manutesaun sira” dehan Gustavo da Cruz iha Salaun BTL,E. P Kaikoli, 27/2.
Nia dehan Kareta hirak ne’e nia manutesaun karun, maibe iha prosesu ida atu halo lelaun ba kareta sira ne’ebé a’at atu redus kustu operasional nia manutesaun. BTL,E.P halo hela investimentu iha postu 24 ne’ebé dadaun ne’e la’o hela iha postu ha’at mak finaliza nune’e espera katak fim marsu bele finaliza tan postu 8. Restante ne’e iha segundu trimestre ne’e finaliza hotu. Total orsamentu ne’ebé BTL,E.P investe ona iha postu 24 ne’e hamutuk 24 Milhões, orsamentu ne’ebé kada tinan estadu tau mai iha ne’e BTL,E.P parseiru dezenvolvimentu sira hanesan Japan International Cooperation Agency, (JICA), Fundo das Nações Unidas para a Infância, (UNICEF), BANCO MUNDIAL, United Nations Development Programme, (UNDP) inklui mos parseiru lokal sira.
Iha Fatin henesan, Ministro Obras Publica (MOP), Samuel Marçal hatuan, kareta hirak ne’e atu halo servisu ba povu, tanba ne’e traballadór sira tenke brani hodi hatete buat ne’ebé los no sala. BTL,E.P nia servisu importante tebes tanba liga ho povu nia nesesidade nomos liga ho ema nia vida, nune’e presiza tau kakutak imi-nia nia presenza povu sei fó valor servisu ho diak tanba povu presiza imi-nia tulun, husu ba traballadór sira hatudu komportamentu no badinas fahe servisu no hatudu ezemplu diak ba povu.
