Reportajen David da Costa
Relasiona ho Polemika kandidatu kadetas foun ba Polisia Nasional Timor-Leste (PNTL) ne’ebe aprovadu 10.597, maibé kandidatu sira hamutuk 400 husi kuota kada munisipiu mak sei tuir teste saude, ho ida ne’e maka Xefe estadu José Ramos-Horta, apoiu deit ba dezisaun governu nia ne’ebe maka iha ona.
Prezidente Repúblika (PR) José Ramos-Horta, hatete, kona-ba polemika ba rekrutamentu kandidatu kadetas foun Polisia Nasional Timor-Leste (PNTL), entregra ba Primeiru Ministru (PM) Kay Rala Xanana Gusmão tanba nia makai ha espernsia liu.
“Ne’e ha’u entrega ba Primeiru Ministru mak hatene, Primeriu Ministru esperiensia liu ha’u,” dehan José Ramos-Horta ba jornalista sira iha Airo Portu Internasional Nicolao Lobato Comoro Dili, Sexta 6/02.
Tanba ne’e, se ema ruma koñese veteranu sira nia oan no polísia ativu sira nia oan ne’e Primeiru Ministru mak koñese, laiha ema seluk. Tanba ne’e bainhira governu deside xefe estadu apoiu dezisaun ne’ebe makai ha.
“Ne’e duni ha’u konfiansa todan 100% ba Primeiru Ministru buat ne’ebé governu deside ha’u apoia,” Ramos-Horta Subliña.
Maibé kona-ba polemika ba rekrutamentu kandidatu kadetas foun Polisia Nasional Timor-Leste (PNTL), hanesan xefe estadu seidauk haree ne’ebe labele dehan lai atu anula kona-ba dezisaun sira ne’ebe makai ha.
“Ha’u seidauk haree prosesu ne’e ha’u labele atu anula desizaun ne’e ka la anula,” nia afirma.
Entertantu antes ne’e, Portavoz kandidatu Kadetas foun Polisia Nasionál Timor-Leste (PNTL) tinan 2025, Deolando Mendonça, hatete, kandidatu ne’ebe aprovadu hamutuk 10.597 husi kandidatu sira ne’e kandidatu 400 husi kuota kada munisipiu mak sei tuir teste saude, maski kandidatu sira seluk kategoria aprovadu hotu, maibé limita ba sira atu tuir teste mediku.
Maibé sei fó prioridade liu ba kandidatu sira ne’ebe hahu husi umeiru 1 to’o numeiru kuota kada munisipiu nian nune’e karik kandidatu sira ne’e maka tuir teste mak iha kondisaun saude ne’ebe la permiti mak sei bolu hikas kandidatu ne’ebe aprovadu iha lista publikasaun ne’e.
“Tanba ami totalmente lamentavel tebes ho desizaun ne’ebe la justu, diskriminativu no la garantia prinsipiu boa governasaun tanba tendensia ba familiarizmu no grupuizmu, tuir ami nia observasaun lista sira ne’ebe ho numeiru ki’ik maioria husi komadante polisia nia oan no sira nia familia nia oan” dehan Portavoz Deolando Mendonça, liuhusi konferensia imprensa iha salaun HAK Farol, kinta 05/02.
Tanba ne’e sira ezije ba Ministeriu Interior no PNTL atu emediatamente anula desizaun atu labele fo deit teste mediku ba kandidatu nain 400, maibé fó oportunidade hotu ba sira ne’ebe kategoria aprovadu.
Nune’e mos sira husu ba KAK no PDHJ ho imediatamente halo investigasaun ne’ebe klean hod hatene tendensia familiarizmu no grupuizmu iha prosesu rekrutamentu.
No husu mos parlamentu nasional ne’ebe trata negosiu estranjeiru defeza no seguransa atu halo fiskalizasaun emediata ba prosesu rekrutamentu ne’ebe iha tendensia ba familiarizmu no gupuizmu.
