Reportajen Silvino Freitas
Governu Australia estabelese tan ajensia Pacific Australia Skills (PAS) hodi apoiu sentru treinamentu publiku no privada sira hasae abilidade no formasaun neebe dezena atu suporta prioridade nasional timor leste nian ba dezenvolvimentu forsa traballu, empregu no kresimentu ekonomiku inkluzivu.
Embaixador Australia iha timor leste Caitlin Wilson dehan, PAS apoiu timor leste nia vizaun ba dezenvolve abilidade empregu no kresimentu ekonomiku nee hanesan prioridade nasional atu hatan ba demanda husi industria local neebe mai husi apirasaun husi komunidade, ezistensia husi PAS atu kontinua susesu husi abilidade anterior nian neebe hahu ona husi 2021 too 2025 neebe fo ona apoiu ba timoroan liu rihun ida atus lima limanulu neebe asesu ba kualifikasaun kursu badak no oportunidade ba formasaun sira seluk, PAS iha legadu ida neebe servisu iha parseria no ajensia intituisaun governu sira sentru formasaun sira empregador no komunidade.
“atu asegura katak harii Sistema formasaun neebe forte hodi loke dalan ba empregu ba joven sira” dehan Embaixador Australia iha timor leste Caitlin Wilson iha ambitu serimonia lansamentu PAS iha hotel Hilton Fatuhada, (12/02).
Nia dehan tan, formasaun neebe PAS fasilita sei diriji ba merkadu traballu local ho nesesidade industria hodi apoia timor leste nia dezenvolvimentu ba tempu naruk no rejilensia ekonomika, nunee PAS sei alina mos prioridade laboral timor leste nian inklui ho PALM Skill, nunee mos sei kolabora ho timor oan barak liu tan bele hetan abilidade neebe empregador Australia sira presiza no sei garante ba sira neebe sei fila mai timor leste bele aplika abilidade foun neebe hetan iha rai liur, programa refere mos fo prioridade makaas ba rejilensia klimatika hodi harii forsa traballu neebe iha abilidade atu adapta no responde hasoru impaktu husi mudansa klimatika iha komunidade nia leet.
“programa nee mos fo prioridade ba inkluzaun nunee bainhira feto no joven feto mane foinsae sira ema ho difisiensia komunidade rural no remota sira iha asesu atu bele dezenvolve abilidade asesu formasaun no hetan oportunidade ba empregu” dehan Embaixador Australia Caitlin Wilson.
Fatin hanesan SEFOPE Rogerio Mendonça dehan, PAS nee hanesan kontinuasaun husi programa neebe iha uluk ona maka APTC nunee dadaun traballador sira neebe halao hela servisu iha railiur nee sira ba ho esperensia neebe menus nunee merkadu sira neebe iha Australia Korrea Japaun no Newzeland nee presiza traballador sira neebe konesimentu esperensai iha area sira neebe traballador atu ba serbisu.
“tanba nee ohin oportunidade neebe diak tebes mai ita nunee husi PAS nee iha lina ministerial no liuliu ba sentru treinamentu sira ida nee ita boot sira tenke uza oportunidade boot tebes bai ta boot sira atu reforsa sentru treinamentu sira hodi reforsa treinamentu iha timor leste” dehan SEFOPE Rogerio Mendonça iha Hotel Hilton.
SEFOPE Rogerio Mendonça konklui, programa PAS nee laos iha tinan 2026 deit maibe mos ba too iha tinan 2028 nunee ida nee oportunidade neebe diak bai ta atu bele servisu hamutuk ho parseiru ida nee atu bele fo oportunidade ba timor leste hodi bele hasae kualidade ba sentru treinamentu sira, hodi prepara formandu joven sira neebe atu ba servisu iha railaran no mos rai liur atu bele iha kualidade esperensia neebe diak atu empregador sira bele simu sira bainhira aplika ba vaga sira neebe ampregador sira servisu.
