Reportajen David da Costa Gusmao
Autoridade lokal aldeia Laidiqui, suku Letefoho, postu administrativu Same, munisípiu Manufahi, ezije Ministru Asuntu Kombatente Libertasaun Nasionál (MAKLN), hodi re-verifika ba dokumentu veteranu sira ne’ebé uluk 2003 simu ona osan, no sira ne’ebé pedente iha Manufahi.
Autoridade lokál aldeia laidiquo, Martinho da Silva Mendonça rekomenda ba iha Ministru Asuntu Kombatente Libertasaun Nasionál (MAKLN) atu halo re-verifika ba veteranu sira ne’ebé uluk 2003 simu tiha ona osan no sira ne’ebe pendente iha munisípiu Manufahi.
“Ami veteranu munispiu Manufahi fó rekomendasaun, bele karik MAKLAN tenke halo re-averifikasaun ba veteranu sira ne’ebé uluk 2003 simu tiha ona osan, no sira ne’ebé pendente, kanseladu no sira seluk tan, se ita la halo reverifikasaun imposivel ita atu rezolve buat hotu”, dehan nia iha Salaun Parokial Mamufahi, kuarta 17/11.
Hatan ba preokupasaun ne’e, Ministru Asuntu Kombatente Libertasaun Nasionál, (MAKLN), Júlio da Costa ‘Meta Mali’ hatete ba preokupasaun ohin husi suku Letefoho prosesu la’o hele
Nia haktuir konaba veteranu falsu ne’ebé ohin mensiona, keta hanoin ema falsu sira mak mai falsifika sira-nia-an, maibé ema sira veteranu ne’e mak falsifika ema falsu sai veteranu.
“Ha’u tetu no halo ezersísiu lubuk ida atu haree prosesu ne’e, la fasil tanba ita sira ne’e mak mai foti dadus 2003, tanba saida mak veteranu falsu ne’e mosu, tan ita sira ne’e mak falun iha pasta laran hodi halo veteranu falsu sira ne’e mosu”, tenik nia.
Nia salienta MAKLN la lori ona veteranu falsu sira ne’e ba iha Tribunal. Veteranu falsu ne’ebé identifika hamutuk ema na’in 2.088 no tenke husik uitoan balun ne’ebé dokumentu sala tenke ba hadia, e prosesu la’o hela, atu la’o to’o iha ne’ebé ne’e prosesu tribunal nian la’ós MAKLN nia kompeténsia.
