Prezidente Organizasaun Filiadas da FRETILIN (OFILIN), Jose Manuel Fernandes (Nakfilak) hateten, OFILIN iha esperansa tomak Lú Olo manan iha primeira ronde, laiha tan segundu ronde no simu posse iha loron 20 Maiu 2022.
Organizasaun Filiadas da FRETILIN (OFILIN), hanesan organizasaun masa partidu Frente Revolusionáriu do Timor-Leste Independente (FRETILIN) iha devér tomak hasoru batalla ba Vitoria.
“Dalaruma ita la liu Primeira ronde karik, tanba ami la’os koalia individual, ami koalia estrutural, hanesan organizasaun massa FRETILIN nia iha dever tomak wainhira nia kandidatu tenki hasoru batalha atu ba Vitoria, segunda ronde ba ami ne’e laiha, tanba ami hatete tiha ami halo ona mapeamentu forsa sira nian, ami haree hotu ona. Ne’ebé Ami iha esperansa tomak, Prezidente Lú Olo iha Primeira ronde no simu posse iha 20 Maiu 2022.” Prezidente Organizasaun Filiadas da FRETILIN (OFILIN), Jose Manuel Fernandes (Nakfilak), Iha Sala Sekretariu OFILIN, Luz Clarita, 26/1.
Prezidente OFILIN akresenta OFILIN apoia Lú Olo atu re-kandidata-an, tanba OFILIN hatene di’ak perfil atual Prezidente Republika, Dr. Francisco Guterres Lú Olo nian. Sé mak Lú Olo, no durante mandatu tinan lima ne’e saida mak nia halo.
Jose Manuel Fernandes afirma, durante Lú Olo nia mandate tinan 5, nia salva ona Timor-Leste husi krize boot rua, krize boot rua ne’e mak fó sira nia kapasidade atu fó fila fali ukun ba Lú Olo.
Nakfilak, hatutan, Koalia kona-ba Serka Sanitaria bainhira perkore took mundu hosi media sosial sira haree katak, persentajen ba obitu iha Covid-19 TL menus liu kompara ho rai vizinu sira hanesan Australia no Indonesia ne’ebé dezenvolvidu tebes.
“Hira mak ita halo, mate ne’e la to’o atus rua. Sé nia desizaun, Lú Olo. Liuhusi konsulta ne’ebé nia halo iha Konsellu Estadu (KE), no Konsellu Superior Defeza no Seguransa (KSDS) husi proposta ne’ebé KE fó hosi Primeiru Ministru nia halo desizaun, mais Parlamentu Nasional aprova Serka Sanitaria (SS), para atu ida-idak Konfina-aan iha uma, hases-aan husi moras Covid, evita mate iha TL, krize politika ida seluk, manan mós ita sobu, lakon mós ita sobu, ukun mós ita sobu, la ukun mós ita sobu nafatin. Krize politika rua ne’e mak Lú Olo konsege ultrapasa.” Haktuir, Nakfilak.
Nia Subliña, Buat rua ne’e mak fó ba ita atu hateke hodi fó fila-fali ita nia konfiansa ba nia hodi kontinua sai Xefi Estadu, tanba nia hakruk ba buat tolu de’it Konstituisaun RDTL, Lei ho nia konsiensia rasik tuir konstitusaun haruka.
