Reportajen David da Costa Gusmao
Ekipa susesu kandidatura ba Prezidente da Repúblika, Mariano Assanami Sabaino Lopes husi Partidu Demokrátiku (PD) ohin rejistu ona iha Tribunal Rekursu (TR), ho forsa polítiku mai husi proponente munisípiu 13 inklui Rejiaun Administrativa Espesiál Oecusse Ambeno (RAEOA) hamutuk 10.567.
Portavoz ekipa susesu kandidatura Prezidente, Antonio Da Conceição “Kalohan” dehan ohin partidu Demokratiku (PD) mai ofisializa ona rejistu kandidatura ba Prezidente da Republika Mariano Assanami Sabino Lopes, Dokumentus sira ne’e hanesan nesesita atu kompleta rekejitu nu’udar sai kandidatu iha Tribunál
“Mariano nu’udar kandidatu ne’ebe ami deside liuhosi konvensaun. Ohin ami mai ofisializa rejitu ba kandidatu Mariano Assanamo, agora ami hein Tribunál fó notifikasaun, se karik iha buat ruma ne’ebe sei prezisa,” Dehan Porta voz ekipa susesu kandidatura Prezidente Mariano Assanami, Antonia ba Jornalista sira iha Tribunál Rekurau, Kaikoli, Kuarta 2/02.
Kalohan dehan atu lori Mariano ba iha Prezidente da Republila forsa politika ne’ebe apoiu ba kandidatura Mariano Assanami Sabino Lopes ba iha elisaun prezidensiál ne’e hamutuk 10.567.
“Enjerál apoiante agora dadauk ami aprezenta hodi apoiu ba kandidatura Mariano Assanami Sabino Lopes ninia hamutuk 10.567 ofisialmente mai husi 13 munisipiu inklui Rejiaun Administrativa Espesiál Oecusse Ambeno (RAEOA). apoiante ne’ebe ami iha konsege rekolla hodi bele ohin ami mai submete iha Tribunál Rekursu,” nia esplika.
Nia dehan PD nia lema mak ba o Timor maubere oan prontu atu serbi, ida ne’e sei sai nafatin espiritu hodi lori partidu ne’e ba oin, ho ida ne’e bainhira PD maka ukun sei la hein ema ruma atu apoiu
“Rezultadu ne’ebe sei mai dezisaun povu ninia, mais hanesan makina ne’ebe ezistente ami iha auto komfiansa. Makina partidu ninia, maka sai makina prinsipál maibe mós komfiansa ne’ebe mós iha ba povu ba jerasaun foun ida ne’ebe maka entre kandidatu hotu-hotu mas ami iha kombitsaun katak kandidatu ami nian preparadu. Elisaun prezidensiál sei tama ba iha segunda volta, no PD iha kombitsaun manan”. Tenik nian.
