Reportajen Santina Lucia da Costa
Diretór Asosiasaun HAK, Sisto dos Santos hateten kandidatu ba Prezidente Repúblika 2022-2027, Komisaun Nasionál Eleitorál (CNE), seidauk deside loron Kampaña maibé kandidatu sira hahú halo ona kampaña politika.
Diretór Asosiasaun HAK, Sisto dos Santos hateten, asuntu ne’e hafoin halo lansamentu ba Postu Reklamasaun Eleitorál iha edifísiu Asosiasaun HAK, Farol, Sesta, 18/2.
“Se atu dehan kualidade nee relativu maibé atu dehan katak, maibe kampaña seidauk hahú, formalmente CNE seidauk deside loron kampaña, maibé defaktu agora kampaña la’o dadaun ona, ne’e Anomaly buat ida la normal, oinsa mak ema bele distingue katak ida ne’ebé mak tempu kampaña no ida ne’ebé mak tempu la’os kampaña, mais defaktu hotu-hotu halo ona kampaña, sidadaun tenke krítiku atu tau matan ba ida ne’e.” esplika, Sisto dos Santos.
Nune’e Diretór Asosiasaun HAK husu ba CNE atu kontrola ida ne’e, kandidatu sira tenta atu la respeitu lei formal sira, ida ne’e perigu tanba ita seidauk hahú, ema hala’o daudauk ona, tenki kritiku no tenki reklama.
Entretantu kandidatu sira ne’ebé kandidata-an ba Prezidente Republika iha Períodu 2022-2027 hamutuk 16, kandidatu sira independente mak, Isabel da Costa Ferreira, Hermes da Rosa Correia Barros, Maria Angela Freitas da Silva, Rogeiro Tiago Lobato, Anacleto Bento Ferreira, Maria Helena Lopes de Jesus Pires, Lere Anan Timur, Antero Bendito da Silva, Constancio Pinto, Virgilio da Silva Guterres ‘Lamuka’ Felizberto Araujo Duarte.
Kandidatu ne’ebé apoiu husi Partidu Politiku mak Dr. Francisco Guterres Lú Olo, Armanda Berta dos Santos, Martinho Jeronimo da Silva Gusmão, José Ramos Horta, no Mariano Assanami Sabino.
