Reportajen David da Costa Gusmao
Kandidatu Prezidente Repúblika, Martinho Germano da Silva Gusmão ho numeru sorteiu 13, ne’ebe hetan apoiu hosi Partidu Unidade Dezenvolvimentu Demokratiku (PUDD), sei halo nia kampaña abertura iha Mehara postu Administrativu Tutuala, Munisipiu Lautem, iha kampaña abertura ne’e sei halo diálogu ho komunidade ho programa ida konaba revolusaun edukasaun.
Prezidente Ekipa Susesu kandidatu, Prezidente da Republika, Martinho Germano da Silva Gusmão, Silveiro da Costa Sufa dehan konaba preparasaun kandidatura prezidente Martinho Gusmão nia ne’e maximu no preparadu ona atu tun ba iha komunidade hodi halo kampaña.
“konaba kampña kandidatu Prezidente da Republika Martinho Gusmão nian preprasaun ne’e masimu ka perparadu ona. Abertura ba kampaña ne’e iha mehara Lospalos agora ami hotu konsentra ona iha Baucau para aban ba halo abertura kampaña iha mehara Lospalos no kampaña abertura ne’e ami halo dialogu ho komunidade ka enkontru komunitariu deit,” dehan Prezidente ekipa susesu kandidatu Prezidente Martinho Gusmão nian, Sliveiru Sufa liuhosi via telefone ba Neon Metin, Tersa 1/03.
Nia haktuir kampaña kandidatu Prezidente Martinho Gusmão, nia kampaña ne’e halo ho modelu rua mak halo diálogu ho komunidade ka enkontru komunitáriu, no halo kampaña komísiu aberta ka kampaña boot.
Nia salienta kampaña ne’e sei lori programa konaba primadona signifika katak programa seluk iha hotu laran ona, maibe ida ne’ebe diak liu mak revolusaun edukasau. Ho ida ne’e kandidatu prezidente Republika ne’e foti los sentidu Nicolao Lobato nia konseitu konaba revolusaun edukasaun.
“Halo kampaña ne’e ita iha programa primadona, programa ne’e ita falin diak liu ona maka programa primadona ne’e, primadona ne’e siginfika ita bele halo programa hotu-hotu maibe programa falin diak liu mak ida ne’ebe, ho ida ne’e kandidatura Prezidente Republika Martinho Gusmão nian foti mak revolusaun edukasaun, programa ida ne’e konseitu hosi prezidente Nicolao Lobato niaa maka Martinho Gusmaun foti los ida ne’e,”explika nia.
Foti programa konaba revolusaun edukasaun ida ne’e, tanba atu luta ba iha edukasaun nian liu-liu luta ba iha mestre sira nia moris atu bele diak no eskolasira atu bele diak hodi nune’e labarik sir abele aprende diak.
“Ho ida ne’e nu’udar prezidente ba ekipa susesu kandidatu Prezidente da Republika Martinho Gusmào, ami nian iha esperansa katak, Martinho Gusmão nia sei tama iha segunda ronde,”tenik nia.
