Reportajen Santina Lusia da Costa
Ohin tuku 7 dadeer, ahi han mutuk uma negosiante Obralan hamutuk 34 iha Merkadu Manleu. deskonfia inséndiu ne’e akontese tanba efeitu husi sirkuitu, kontadór elétriku ida iha uma OB ida iha klaran. Afetadu sira lakon sira nia sasan, hanesan roupa, sapatu no seluk tan.
Tuir afetadu husi ahi han, Teresa Albertina dos Reis hateten, ahi han roupa sira ne’e, la hatene, derepente rona ema dehan ahi han uma iha erkadu Manleu, to’o iha fatin ne’e ahi han mutuk hotu ona roupa sira ne’e.
“Ahi han hau nia sasan hanesan pasta, roupa, sapatu, balun tomak hela seidauk loke, ami hola iha Kuluhun, tanba Kuluhun nia roupa ne’e folin karun, labarik nia roupa Bal ida $ 350, hau nian, labarik nia roupa bal rua, no ema boot nia roupa Bal rua, hau sura ba osan karik, $ 16.000 ribu hanesan ne’e.” hateten Teresa Albertina dos Reis, ho oin triste, iha Merkadu Manleu, 14/2.
Iha fatin hanesan, sasin ne’ebé iha fatin insediu, Leonito da Costa Ximenes dehan dasa hela rai derepente estudante Canossa sira halai mai fó hatene, entaun halai tun ba ahi han tiha ona, maibé ahi lakan ladun boot.
“Ohin dader jam hira hau la hatene, hau dasa hela rai estudante Canossa sira halai sa’e mai dehan maun ahi han OB, hau halai tun ba ahi han hotu, ahi lakan mais ladun boot ida, anin hú tun entaun han OB lina iha kraik ne’e hotu kedas, ahi han hahú iha klaran.” tenik, Leonito da Costa Ximenes.
Akontesimentu ne’e ekipa Bombeirus to’o kedas iha fatin inséndiu hodi rega mate ahi hodi nune’e labele da’et ba fatin negosiante seluk.
Komandante Operasionál Intervensaun Territóriu, Paul Maia hateten Brigada inséndiu simu informasaun bazeia ba inséndiu ne’ebé akontese iha Manleu, simu telefone iha oras 7:30 minutu, no orden sai kedas, Bombeirus sai husi ninia kuartel, distansia husi Kuartel mai to’o Manelu han 3 Minutu to’o fatin refere.
“Ami to’o iha ne’e ahi lakan boot teb-tebes entaun ami trava de’it insediu ida ne’e, tanba ahi lakan haree ba ami nia analizasaun ne’e ahi han antes ona 30 Minutus ba kotuk, kerdizer ahi han hena, sasan ne’ebé fasil tebes ahi han, iha laran ne’e abafamentu ida kalen metin. Kontamina su’ar sai hanesan bomba expluzaun nia manas didi’ak, nia expluza dala ida nia han husi rohan ba rohan kedas.” Haktuir, Komandante Operasional intrevensaun Teritoriu, Paul Maia.
Paul Maia dehan nia kauza ne’e iha duni fatin mak iha klaran ne’e, iha elétriku ida mak iha ne’e kerdizer ahi inisiu kedas kontadór elétriku ida iha ne’e, ne’e kauza husi sirkuitu.
Entretantu, total negosiante ne’ebé ahi han mutuk sira nia roupa hamutuk 34. Tuir Observasaun Neon Metin, ekipa Bombeiru no Jestaun Merkadu, agora daudaun kontinua rega mate ahi ne’ebé mak sei lakan, afetadu sira balun triste maibé sira kontinua hili tuir roupa sira ne’ebé mak ahi han motuk, no balun hili osan besi ne’ebé ahi han ona.
