Reportajen Joanina Casemiro
Ekipa voluntáriu feto munisípiu Dili, kompostu husi Postu 5 hanesan Dom Aleixo, Vera Cruz, Nain feto, Cristo Rei no Metinaru deklara ba pùbliku, katak sira ho sira nia familia, sei fo votu de konfiansa ba Armada Berta do Santos iha loron 19 Marsu 2022-2027, tanba mane labele fo kontinénsia ba feto, bainhira feto mak kaer pasta nu’udar prezidente.
Iha konferensia imprensa ne’e, Porta Voz Cristina M. Cardoso hatete sira fo votu tanba ho razaun fundamental katak Armada Berta do Santos, hanesan lider ne’ebé firmi, no metin iha lideransa liu husi transparénsia, onestu, pasiénsia fiar a’an, rona ema hotu, hakuak ema hotu no la sidi iha nia lideransa ” realidade nian hatudu oan iha nasaun Timor-Leste. Armada Berta do Santos, hanesan mos lider ne’ebé fuan bo’ot, kalma no hakmatek iha tempu ne’ebé ema hanoin atu hamosu nia firmi, iha nia desizaun.
Nia informa Armada Berta hamriik metin nafatin hodi hatudu nia oin iha tempu ne’ebé ema hatun ho lia fuan kroat, la tau interese ba buat ne’ebé laos prioridade. Nia fuan bo’ot no pasiénsia iha tempu ne’ebé hasoru dezafius no tentasaun oin-oin, maibe brani iha nia esforsu sira hodi hare ba oin, saida mak nasaun Timor-Leste presiza, no povu nia hakarak no mos mudansa saida mak atu halo ba povu Timor-Leste, oinsa mak povu atu sai husi kiak no mukit no oinsa mak atu ultrapassa bariera sira ne’e.
“Kontestasaun Públiku dehan Armada inkapasidade, feto kuandu koalia sala tau hanesan problema bo’ot hodi publika tun sa’e, husi loron ba loron husi fulan ba fulan no husi tinan ba tinan. Maibe kuandu mane mak koalia sala, media fo sai liu de’it, nune mos ba públiku nonok tan de’it . La hatene tanba sa, no nia diferensia iha saida los. Maluk sira koalia sala ne’e buat bai-bain laos problema bo’ot ba Nasaun, maibe kuandu jestaun sala saida mak akontese ba Nasaun,” Dehan Porta Voz Cristina M. Cardoso iha ba jornalista sira iha Vila-Verde, 12/02.
Nia dehan Armada Berta do Santos, ema ida ne’ebé forte iha espíritu patriotizmu no nasionalizmu, tane a’as prinsípiu no valores sira, hodi hatene hakuak no halibur ema hotu hamutuk la hare ba ko’or no rasa.
