Reportajen Calisto dos Santos Oqui
Kandidatu Prezidente Repúblika independente, Virgílio da Silva Guterres ‘Lamukan’ ho numeru sorteiu 12, simu matak malirin husi komunidade sira Aldeia Bebu, Suku Lela-Ufe, Postu Administrativo Nitibe, RAEOA
Iha seremonia ne’e Lia-nain Abel Taec sente kontente hodi simu kandidatu Prezidente Republika, Virgilio tanba foin dala uluk tama iha sira nia aldeia.
“Hahu husi tinan 2000 ate agora kandidatu prezidente sira ne’ebe partisipa iha eleisaun nunka mai visita ami iha suku Lela-ufe aldeia Bebu ida ne’e. Ami simu na’in kandidatu Prezidente Virgílio nudar ami nia aman, tamba nia hadomi tebes ami, mak ohin loron mai visita ami iha suku Lela-ufe aldeia Bebu”. Dehan Abel, 01/03
Tuir Lia-na’in ne’e hateten katak kalan ida ne’e, ami sei kontente hamutuk ho nai kandidatu Prezidente Republika, tanba durante ita ukun-an to’o agora nunka iha kandidatu Prezidente ou sai Prezdente mai visita ami.
Iha seremonia ne’e komunidade sira iha fatin refere, simu Virgilio ho kultura Oe-cusse nian, hodi tara tais no simu matak malirin husi lian nain sira.
