Reportajen David da Costa Gusmao
Komisaun Nasionál Eleisaun (CNE) husu ba kandidatu Prezidente Repúblika (PR) atu labele mobiliza masa husi munisípiu ida ba munisípiu seluk, hodi halo kampaíña no respeita mós regras saude nian.
Prezidente Komisaun Nasionál Eleisau (CNE), José Agostinho Belo husu ba ekipa sira atu evita halo mobilizasaun masa husi munisípiu ida ba munisípiu seluk. Kandidatura sira mós presiza tau atensaun ba iha surtu Covid-19 ,no nafatin mós respeita regra husi Ministeru Saude nian.
“Diak liu maka ekipa ho kandidatura halo kampaíña iha munisípiu ida, ne’e inklui deit elitor sira iha munisipiu ne’e, labele lori fali husi munisípiu ida ba iha munsipiu seluk, tanba atu evita virus surtu Covid-19, ida ne’e maka ita presiza tau atensaun no respeita mós ba regras saude ninia. Atu nune’e ita mós bele evita ida ema ataka malu ne’e,” dehan Prezidente CNE, liuhosi konferensia imprensa iha CNE, Sesta, 4/03.
Nia haktuir kandidatu sira liuliu ba ekipa, atu labele hakilar símbolu ka naran grupu arte marsiais nian, tanba lei ne’e koalia katak kampaíña ne’e ba kampaíña prezidensiál, ema sira ne’ebé prezensa iha kampaíña nee sidadun elitores sira ne’ebe aprtesipa la lori naran seluk.
“Ami sei hato’o mós karta ba sira hotu bele respeita malu, hodi nune la hamosu problema ruma,” dehan nian.
Nia dehan iha kampaíña ne’ebé lao iha loron preimeru CNE louva kandidatu PR sira, liuliu ekipa sira ne’ebé serbisu no koordena ho diak to’o ohin loron 4, kampaíña lao normál no entrmos seguransa estabilidade nafatin kumpri hela.
Nune CNE husu ba kandidatu sira atu respeita nafatin kalendariu ne’ebé hato’o ona, Atu nune fasil liu ba CNE, observadór internasionál no nasionál atu bele akompaña ho diak.
