Reportajen Francisco Colo
Kandidatura Presidente Antero Bendito da silva “slor” hato’o nia kompromisu polítika iha kampaña diálogu popular, hodi hatete planu estratéjiku harii estadu neo-solidariu no neo-solidarte hodi halibur nia emar no kuida nia ekolojia, labele ho estadu ida ne’ebé hanehan.
Ba komunidade sira ne’ebe partisipa iha dialogu popular ne’e, Antero dehan se manufuik sira lian laiha bainhira ema estraga sira, oinsa ita salva sira rusa fuik sira lian laiha, ita ba oho tiru maibé animal sira ne’e liga ba ita nia natureza liga ba ita nian lisan sira, no ita ema presiza oinsa mak ita proteje sira estadu neo-solidariu, mambae sira bolus lulu estadu slulu, makasae sira bolu paheri, lulei hoi date sira bolu arosu, bunak sira bolu kawat, naueti sira bolu uluidi, makasa’e iha makala ho saelari sira bolu fulida ,Iliomar sira bolu fuldaidai, Lospalos sira bolu fufulehe palapa, estadu ida ne’ebé bele halibur labele estadu ida ne’ebé bele hanehan”.
Nia hatutan tan ka estadu ekolójiku entaun estadu ida ne’ebé kaer filofia estadu mauberizmu kuidadu ba nia ekolojia, kuidadu ba nia emar, kuidadu ba lisan sosiál kultura social hanesan uma lisan sira ne’e, ne’e pensamentu estratéjiku ida.
Entretantu iha parte seluk kandidatura ne’e informa liu tan iha nia kampaña polítika, demonstra mós Iha pensamentu planu estratéjiku, sei halo estadu neo-solidarte signifika estadu ida ne’ebé forte halo intervensaun ba sector produtivu sira para kria empregu ba sidadaun sira.
“Iha pensamentu planu estratejiku seluk estadu neo-solidarte estadu ida ne’ebé iha forte nia iha kbiit, atu halo intervensaun ba sector produtivu no depois kria empregu ba sidadaun sira, bainhira kuandu setor privadu mak domina ekonomia sira buka duni. ita bot ba serbisu iha loja, loja nain buka lukru ita boot salariu kiik pasensia, tanba objetivu loja nain buka lukru. Sei ita bot simu saláriu kiik diak liu ba nia tanba nia halibru rikusoin barak liu, maibé estadu la hanesan ne’e, estadu distribui estadu asegura nia sidadaun ne’e moris ne’e pensamentu estratéjiku ida.” Informa kandidatura Antero Bendito da Silva iha nia diskursu Bekuse Dili.
