Reportajen Francisco Colo
Kandidatu Prezidente Antero Bendito da Silva, ho númeru sorteiu 12 hala’o kampaña dialogu popular ho komunidade aldeia Bekuse Sentru, hodi fahe planu estratéjiku, sekarik eleitu sei muda palasiu prezidensiál ba zona aas, tanba konsidera soke malu ho natureza no mota nia dalan
Antero hateten Planu estratejiku ida ba muda palasiu presidensial ba zona ida ne’ebé ass liu, rekreiu uitoan, sai turista lokál iha Aileu sira ne’eba, tanba Dili ne’e uluk lagoa nia fatin, Bebora sira ne’e mota nia dalan Taibesi,
“Infelizmente ita hadau malu ho espasu natureza ne’ebé ita la muda sidade Dili tomak, mais pelumenus ita muda palasiu presidensial ba rai ass, ita ba foho leten sira ne’e, ita sente fatin sira ne’e malirin, uma lisan sira ne’e ita kuandu to’o ba ne’e ita nia hanoin ne’e la’o”, dehan Antero iha Bekuse, 12/03.
“Palasiu prezidensiál udan kois uitoan, be’e tama tiha ona, ita presiza muda palasiu presidensial ne’e, muda oinsa ne’e proposta politika ne’ebé mak ami halo, prepara ba Primeiru Ministru ho sosiedade sivíl, komunidade suku ba suku xefe aldeia sira.” informa Antero
