Reportajen estudante estajiadu UNTL, Joselina dos Santos
Organizasaun Naun-Governamental (NGO) Belun, liu husi nia pillar hirak ne’ebé servisu hamutuk ho Parseira UN Women iha Timor-Leste, inklui parseiru sira seluk lansa programa spotlight inisiativa, ho apoiu fundu husi Uniaun Europeia ho objetivu atu elimina violénsia kontra feto no labarik feto iha Timor-Leste.
Hafoin Lansamentu, Xefe Interinu UN Women iha Timor-Leste, Lumena Freitas hateten liu husi spotlight inisiativa, ne’ebé hetan fundus husi Uniaun Europeia serbisu hamutuk ho ajénsia lima, mak fó apoiu ba NGO sira, liu-liu atu elimina violénsia kontra feto no labarik feto sira iha Timor-Leste.
“Lansamentu peskiza ohin ne’e, nu’udar parte ida husi kooperasaun UN Women nian ho NGO Belun, ohin marka hanesan loron ikus nian ba iha implementasaun faze primeiru spotlight inisiativa nian, tanba sei iha faze tuir mai hodi kontinua nafatin ho NGO nasionál no mos internasionál sira, atu hamutuk kontribui ba violasaun hasoru feto no labarik feto”, Dehan Xefe Interinu UN Women iha Timor-Leste Lumena Freitas hafoin lansamentu iha salaun konferénsia Suai Room Timor-Plaza, 30/06.
Nia dehan kauza husi violasaun hasoru feto no labarik feto mai husi kauza barak, ema hotu hatene katak ita nia sosiedade ho eziste sistema patriarkál, katak ita nia nasaun sempre fó fatin liu ba mane no la dun haree ba feto, no partisipasaun feto iha setór hotu ne’e mínimu, inklui dependénsia ba ekonomia uma laran nian, tanba iha uma kain barak depende mane mak domina.
“Responsabilidade la’os husi parte ida deit, hotu-hotu sei hamutuk atu serbisu kontra violénsia ba feto no labarik feto, liu husi peskiza no esforsu tau hamutuk liu husi inisiativa spotlight nian, tanba foku liu ba eliminasaun kontra feto no labarik feto, ita labele hanoin katak sei para iha parte ida, maibe luta ne’e sei kontinua no kolabora atu atinje mehi ne’ebé mak ita hotu hakarak, liu-liu ba violénsia feto no labarik feto sira atu bele moris ho livre”, nia informa.
Inisiativa spotlight ida ne’e foku liu ba iha munisípiu haat, iha fundus ketak ne’ebe haree mos kona-ba eliminasaun violénsia kontra feto no labarik feto, apoiu seluk husi KOIKA ne’ebe sei foku ba munisípiu sira seluk. Iha peskiza ne’e haree deit ba violasaun kontra feto no labarik feto, maibe la haree ba dadus ne’ebe sai hanesan sasukat, entaun ida ne’e hanesan esforsu ida iha pilar ne’ebe mak sei haree kona-ba suporta ba dadus hodi integra husi parte hotu.
Tuir peskiza kualitativu ne’ebé Organizasaun Naun-Governamental katak husi Munisípiu tolu ne’ebe momentu ne’e bazeia ba konsultasaun halo, foti ba Inisiativa spotlight programa ida ne’e tanba haree ba númeru violénsia ne’ebé aas husi munisípiu Bobonaro, Viqueque, Covalima no Ermera
