Home Notisia Resenseamentu Sentru Votasaun La Estabelese Iha Indonesia ho Australia

Resenseamentu Sentru Votasaun La Estabelese Iha Indonesia ho Australia

520
0
Prezidente Komisaun Nasional Eleisaun (CNE), José Belo. [Foto: Santy | 22.02.2022]

Reportajen Santina Lucia da Costa

Relasiona ho eleisaun Prezidensiál ba períodu 2022-2027, nasaun viziñu Indonesia ho Australia la estabelese sentru votasaun, tanba Indonesia adopta Mono Warga Negara, katak sidadaun ida de’it, no Australia tanba pandémia Covid-19, regra internal forte tebes, sira la fó biban ita halo resenseamentu.

Prezidente Komisaun Nasional Eleisaun (CNE), José Belo hateten razaun la estabelese sentru votasaun iha Indonézia, tanba  adopta Mono Warga Negara katak sidadaun ida de’it, no Australia tanba pandémia Covid-19, regra internál forte tebes sira la fó biban ita halo resenseamentu.

“Ha’u hanoin diskusaun ne’e naruk, la’ós de’it CNE órgaun eleitorál hanesan STAE hamutuk ho CNE no Parlamentu Nasional mós diskute hela, soké ita nia situasaun liu-liu kona-ba nasaun ida-idak hanesan Indonézia, ita iha kestaun legál iha diferente katak sira adopta mono warga negara katak sidadaun ida de’it.” Hateten Prezidente CNE, José Belo ba Jornalista sira iha Palasiu prezidensial, Nicolau Lobato, Bairu-Pite, 21/2.

Prezidente CNE dehan Indonézia nia situasaun ida ne’e labele estabelese iha ne’ebá, tanba ne’e mak presija mós ita nia diplomata sira, liu-liu nivel polítika sei halo hela konsetrasaun karik  la’ós agora, maibé tempu naruk nia laran sira bele diskute hela ne’e tanba kestaun legál.

José Belo hatutan prinsípiu sidadaun ida, ita hakarak estabelese iha ne’ebé de’it, importante tenke resenseamentu, se laiha resenseamentu ita labele halo buat ida, tanba ne’e mak iha de’it Korea, Inglaterra ho Portugál ita iha resenseamentu.

“Ha’u hanoin uluk ita aviza tiha ona liu husi Embaixadór sira liu husi mós parte adidu sira, se karik sira labele vota iha Indonézia altura ne’e, iha mós oportunidade atu sira fila, agora daudauk ita iha fasilidade mós ba sentru votasaun paralelu sira ne’ebé hanesan eskola ne’ebá, sira bele mai tuir sentru ida ne’e bele vota.” Dehan José Belo.

Nia akresenta, Tanba vota ne’e lá’os obrigatóriu, responsabilidade ita nian, ita tenke la’o hela tanba ne’e mak ita hato’o tiha ona kestaun legál tenke respeita mós nasaun seluk, ita nia hakarak la’ós dehan ita tenke halo maibé ita nia hakarak tenke Kumpri mós ema nia lei ne’ebé estabelese.

“Ha’u hanoin situasaun ida ne’e entremus ita nia autoridade sira sei buka hela solusaun ne’ebé di’ak ne’e lá’os tenke lalais, ita presija tempu atu haree oinsá atu solusaun di’ak ba aban bainrua la’ós de’it agora, maibé tempu naruk ne’ebé ita ho relasaun Indonézia tenke hametin nafatin.” Realsa, José.

Nia hateten kona-ba iha Austrália, atu estabelese sentru votasaun atu aplika tenke resenseamentu, Austrália foin lalais ne’e la’ós tanba parte Timor mak lakohi, maibé tanba sira nia pandémia, sira nia regra internal ne’ebé forte tebes, sira la fó biban atu ita halo resenseamentu,

Print Friendly, PDF & Email

LEAVE A REPLY

Please enter your comment!
Please enter your name here