Home Notisia Ekipa Susesu Lu-Olo Agradese TR Simu Pedidu Loke Sentru Votasaun Iha Austrália

Ekipa Susesu Lu-Olo Agradese TR Simu Pedidu Loke Sentru Votasaun Iha Austrália

322
0
Reprezentante Kandidatu PR Lu Olo, Fernando Gusmao. [Foto: David | 07.03.2022]

Reportajen Adroaldo ‘Saretukau’

Ekipa susesu kandidatu PR, Francisco Guterres “Lu-Olo” agradese ba desizaun Tribunal Rekursu nian ne’ebé simu sira nia rekursu hodi hamate deliberasaun Komisaun Nasional Eleisaun (CNE) númeru 5/III/2022 hodi loke sentru votasaun ba sidadaun sira iha Austrália hodi partisipa mos iha festa demokrásia ida ne’e.

Ekipa susesu kandidatu PR “Lu-Olo”, Fernando Gusmão agradese ba Tribunal Rekursu ne’ebé tetu sira nia argumentu sira ne’ebé ami aprezenta hodi justifika pedidu inkonstitusionalidade ba deliberasaun CNE númeru 5/III/2022 ne’ebé ekipa susesu kandidatu “Lu-Olo” hato’o.

“Tanba ami foka liu ba direitu povu nian atu partisipa iha prosesu eleisaun, ne’e direitu fundamental kada sidadaun nian atu hili ni-nia Na’i Ulun ne’ebé mak atu lidera ita nia nasaun, atu tau matan ba povu tomak,” dehan Fernando iha Lux Clarita, 12/03.

Nia hatutan tanba ne’e mak Tribunal Rekursu simu sira nia pedidu hodi kansela ka hamate deliberasaun CNE nian no haruka atu loke sentru votasaun iha Austrália.

“Hanesan ekipa susesu halo hodi defende povu nia direitu, povu nia aspirasaun polítika, povu nia partisipasaun direita iha eleisaun ba Prezidente Repúblika no direitu seluk, direitu universalidade katak eleisaun ne’e fo oportunidade ba Timoroan hotu-hotu, labele iha fatin balu ita fo, fatin bulu ita la fo,” dehan Fernando.

Print Friendly, PDF & Email

LEAVE A REPLY

Please enter your comment!
Please enter your name here