Reportajen estundate estajiadu UNTL, Joselina dos Santos
Sekretáriu Estadu Juventude no Desportu (SEJD), halo enkontru ho Delegasaun Missaun Esploratóriu Fact-Finding Mission (FFM), pillar ASEAN Socio-Cultural Community (ASCC), ne’ebe lidera husi Ofisiál Komunidade Sósiu Kulturál husi Indonesia Iwan Eka Setiawan, objetivu SEJD hato’o progresu no difikuldade, atu apoiu halo revizaun Polítika Nasionál Juventude no Desportu Timor-Leste aliña ho vizaun ASEAN ninian.
Hafoin enkontru Sekretáriu Estadu Juventude no Desportu (SEJD), Abrão Nokosiku Saldanha hatete, ita nia rain iha misaun ida husi ASEAN, sira mai halo avaliasaun ba preparasaun ho SEJD no mos komisaun ida ba pilar Sosiu-Kultural nian ne’ebe sira mai avalia kona-ba aspetu institusionál enkuadramentu legal lejislamentu iha area Juventude Desportu nian.
“Ita nia kapasidade atu simu organizasaun no eventu sira ASEAN iha área dezenvolvimentu desportu nian iha ita nia rain, tan ne’e mak sira hakarak mai haree ligadu ho prosesu atu aplika sai membru ASEAN nian ho sira nian misaun, Oihn sira mai husu perguntas koba-ba saida mak ita presiza dezenvolve entermus lejislasaun, polîtikas publikas sira ne’ebe iha no mos fasilidade infraestuturas atu nune’e sira bele ajuda ita”, Dehan, Sekretariu Estadu Juventude no Desportu Abrão Nokosiku Saldanha, hafoin enkontru iha Salaun Mangna SEJD, 07/07.
Governante ne’e haktuir, parte nia aprezenta ona progresu, difikuldade no esperensia ne’ebe iha, kona-ba organizasaun eventu internasionál, atu kria uma nain ba eventu sira hanesan CPLP nian tinan hirak liu ba partisipa jogus ASEAN no mos konferensia nian, katak oinsa iha mudansa ka la’e, nune’e mos husu atu apoiu iha revizaun politika Nasional Juventu atu aliña ho vizaun ASEAN nian.
