Home Notisia CNJTL Enkoraja Joven Sira Foti Papél Partisipativu Iha Eleisaun Prezidensiál no Parlamentar

CNJTL Enkoraja Joven Sira Foti Papél Partisipativu Iha Eleisaun Prezidensiál no Parlamentar

341
0
Prezidente CNJTL, Maria Dadi Soares Magno. [Foto: Bernarda | 21.02.2022]

Reportajen Bernarda da Costa

Konsellu Nasional Juventude Timor-Leste (CNJTL), enkoraza no motiva juventude sira nia papél ne’ebe partisipativu no responsabilidade hodi votu iha eleisaun prezidensiál no parlamentár.

Prezidente CNJTL, Maria Dadi Soares Magno hateten liafuan refere ba jornalista katak metade husi populasaun kamada juventude, sai hanesan forsa boot ida, oinsá inflensia ba mudansa foti desizaun, mak ita nia estadu.

“Momentu ida ne’e hanesan momentu atu sosializa, fo informasaun, fo matenek ba juventude sira , oinsa maka hare importansia husi juventude ida, bele ezerse nia aktu polítiku husi votu rasionál no ideal liu” dehan presidente CNJTL iha salaun CNE, segunda 21/02.

Nia haktuir Konstituisaun  artigu 19 koalia konaba juventude nia papel, atu konsolida unidade nasional rekonstrusaun sivil, defende no dezenvolve país nia dever ne’ebe mutua ba kamada juventude hotu, katak estadu ida ne’e sei fo nia kbiit, atu apoiu no promove liu husi edukasaun, formasaun no kultura ba joven.

“Eleisaun prezidensiál sira tenke iha kritériu rasik ne’ebe mak hakerek nanis ona iha Konstituisaun ideal liu hodi sai Presidente ida ba ema hotu, ho símbolu unidade nasional, ne’ebe sai hanesan símbolu povu, no kapasidade ne’ebé atu kumpre atu halo tuir Konstituisaun”, subliña Presidente CNJTL.

Eleisaun prezidensiál no parlamentár sei hili ho universal livre, direitu no sekretu ema ida ho votu ida, realidade lalaok ema ida nian liga ho edukasaun sívika, ita hatene katak sentidu ida ne’e ita ba respeita entre ema ida ba ema seluk, demokratizasaun sempre iha dinámika, importante maka uza votu ho responsabilidade.

Print Friendly, PDF & Email

LEAVE A REPLY

Please enter your comment!
Please enter your name here