Home EduTek Estudante UNTL Presiza Livru, Maibé Biblioteka Kontinua Menus Livru

Estudante UNTL Presiza Livru, Maibé Biblioteka Kontinua Menus Livru

352
0
Kampus UNTL. [Foto: Copyright SAPO | 10.12.2021]

Reportajen ekipa klinika jurnalismu UNTL-UNESCO

Universidade Nasional Timor Lorosa’e UNTL, nu’udar universidade públiku, ne’ebe ema barak hakarak kontinua estudu iha universidade refere, maske nu’udar universidade publiku, ne’ebe hetan subsídiu husi governu, maibe situasaun balun mak sedauk atinji, liu-liu biblioteka.

Ekipa klínika jurnalismu UNTL-UNESCO halo entrevista ho dosente UNTL, hodi hatene problema ne’ebe mak universidade ne’e hasoru, liu-liu biblioteka.

Ba ekipa klinika jurnalismu, Dosente Robertor Paiseco esplika katak UNTL nia biblioteka iha fakuldade siénsia sosial, sei hasoru problema tanba fakuldade rua mak uza biblioteka mak hanesan fakuldade Saude Medisina Geral no Fakuldade Siénsia Sosiál

“Fatin la sufisiente ba estudante sira atu tuur hodi lee livru sira, problema ida tan mak biblioteka seidauk iha livro kompletu, no iha ita nia departamentu Komunikasaun Sosial nian livru iha ona, maibe barak liu ho lian Indonezia no Ingles deit,  no departementu seluk mos seidauk iha livru kompletu”, inform Dosente Roberto ba ekipa Klinika Jurnalismu, 09/12.

Nia dehan espera iha futuru, iha planu hodi hadia biblioteka ne’e, maibe tenke mosh adia infraestrutura tomak iha fakuldade siénsia sosial nian.  

Entertantu funsionáriu ne’ebe hein biblioteiak informa katak, livru sira iha biblioteka ne’e iha, maibe kahur malu deit, hanesan komunikasaun sosial, relasaun internasionál no administrasaun publiku tau hamutuk iha fatin ida.

Nia hatutan estudante sira ne’ebe durante ne’e asesu biblioteka, iha parte departamentu Relasaun Internasional dalaruma hetan ema hamutuk 15, Administrasaun Publiku nain 10 no Departaementu Komunikasaun Sosial nain 20.

“Biblioteka refere la sufisiente tanba haree ba ita nia universidade, tanba estudante sira tama bebeik hodi observa saida deit mak iha biblioteka laran. Kada loron estudante sira balun empresta no balun tama haree liu ba monografia hodi buka referénsia sira”, dehan Rita

Ekipa klinika jurnalismu mos dadalia ho estudante Ozilvio Neto de Araújo husi departementu Administrasaun Publiku, nia dehan bibleoteka ne’e importante tebes ba ema hotu, liu-liu ba estudante sira tanba iha bibleoteka ne’e hanesan fatin ida ho referensia ne’ebe la hanesan, atu bele ajuda ema hotu, liu-liu oinsa mak atu bele kapasita no ema bele le’e aumenta koiñhesementu no abilidade iha area saida de’it.

Nia dehan husi le’e livro ne’e nia importante ida mak oinsa eleva ema nia koinesementu, nune’e bele aplika ba iha teoria ruma, karik ita tenki tuir meditu otoritu no kontestu ne’ebe mak ita hatene.

Iha fatin hanesan estudante husi Departamentu Komunikasaun Sosial, Flora Ana Maria Ximenes mos hateten hanesan estudante le’e livru iha biblioteka ne’e importante tebes, tanba bele ajuda hau atu bele hatene klean liu tan no aumenta konesimentu.

Ba Flora biblioteka ne’e fo benefisiu diak ba ita, “le’e maka ita bele hatene, nia benefisiu maka ita le’e bele aumenta ita nia konesimentu iha area oi-oin”.

Biblioteka importante iha eskola no fatin publiku sira seluk, biblioteka sai fatin ba ema atu aprende, hatoman-an hodi lee, no bele koñese mundu luan liután, maibe realidade biblioteka iha Timor-Leste sai problema boot, tanba governu sedauk investe boot ba biblioteka. UNTL nu’udar universidade boot, estudante sira presiza duni lee hodi hetan referénsia, hodi kompleta sira nia referensia. Laiha Biblioteka signifika, sistema edukasaun sedauk lao tuir estandarte edukasaun ho kualidade? Karik Ministériu Edukasaun presiza prioritiza liuhusi Orsamentu Jeral Estadu, estudante sira hotu hein.

*(Dahlia Francisca Da Silva Pereira, Fridonia Alves Lopes Marques, Elia Da Silva Viegas, Francisco Da Costa, Filipe Da Costa nu’udar estudante partisipa iha klinika jurnalismu, ne’ebe organiza husi UNTL-UNESCO, mentor publika sira nia nutisia iha neon metin)

Print Friendly, PDF & Email

LEAVE A REPLY

Please enter your comment!
Please enter your name here