Reportajen Francisco Colo
Diretór Jerál Telemor, Tran Van Bang hateten iha hasoru malu ho Prezidente Republika, hodi kongratula eleitu Prezidente, Dr.Jose Ramos Horta no relata kona-ba Telemor nia ejiztensia durante tinan 10 iha Timor-Leste no mós solusaun ba ICT.
Hafoin enkontru ba jornalista sira, Tran Van Bang informa katak iha enkontru ne’e atu kongratula Dr. Jose Ramos Horta ne’ebe eleitu nu’udar Prezidente Republika no informa konaba ezistensia Telemor tinan 10 iha Timor-Leste
“Depois de tinan 10 dezde 2012, ami halo mudansa barak hodi hadia telekomunikasaun iha Timor Leste, ami promove dezenvolvimentu teknolojia, hadi’a moris sosiál, no atendimentu telekomonikasaun, ami sente privilejiu no hakarak sai númeru um operadór telekomonikasaun iha Timor Leste”, dehn Diretor Jeral Telemor, iha palacio prezidensia, 11/07.
Nia hatutan iha sorumutu ne’e koalia mos konaba solusaun ICT iha Timor-Leste hanesan sinema, mosan no atividade apoiu sosial hanesan apoifu labariks ira liu-liu orfanantu
“Ami mós ko’alia ho Prezidente Republika kona-ba vizaun no estratejia ba tinan hirak tuir mai, atu hasa’e kualidade liña internet no data internet. Ami mós haree ona planu governu nian mak sei dada kabu submarinu entaun telemor mós planu atu introdus teknolojia 5G, no koneksaun Broadband iha Timor-Leste”nia akresenta
Ba jornalista sira Diretór Tran fundamenta tan Telemor mos halo diskusaun ho Prezidente Republika kona-ba dijitalizasaun ne’ebé mak sai ona hanesan pakote importante ida hosi Telemor iha tinan hirak tuir mai, ne’ebé mak haree liubá E-goverment atu aselera prosesu dezenvolvimentu iha TL.
Iha TL tanba ita la iha kabu submarinu, koneksaun internete ne’e lenuk(delay). Iha Timor-Lest telemor halo ninia esforsu tomak atu introdús teknolojia 5G hodi halais liña internete.
“Ha’u espera ho kabu submarinu ne’ebé mak governu planu atu dada mai sei halais di’akliutan liña internete iha TL, iha tempu hanesan ho teknolojia 5G liña internete sei lais liután” esplika Diretór.
Depoisde remata enkotru ne’e mensajen hosi Prezidente Repúblika, Dr. José Ramos Horta apresia tebes ho Telemor, no hato’o ninia suporta no apoiu tomak atividade hirak ne’ebé mak Telemor relaiza iha TL durante tinan 10 nia laran. Prezidente Republika José Ramos-Horta, hato’o mós ninia admiasaun ba Governu Vietnam, liu-liu iha parte evolusaun ekonomika, no dezenvolvimento ne’ebé mak Governu Vietnam hatudu durante ninia ezistensia
Ikus liu Prezidente Republika Horta hato’o ninia suporta ba Vietnam sira hotu ne’ebé mak hakarak mai investe iha TL, no ninia apoiu tomak iha ambitu rejionál, bilateral, no mós iha ambitu Internasionál.
