Reportajen David da Costa Gusmao
Oxfam iha Timor-Leste disemina informasaun kona-ba direitu no dever servisu nain sira nian, no seguransa sosiál ba staff Oxfam no parseiru Oxfam sira nian iha Timor-Leste.
Country Diretór Program Oxfam in Timor-Leste, Fausto Belo Ximenes hateten, Oxfam hanesan NGO Internasiinál, ne’ebé servisu iha Timor, iha nia empregadór Timoroan, no mós empregadór husi rai liur mós iha, importante ba Oxfam ho nia parseiru sira, atu bele hatene kona-ba ninia direitu no devér ho di’ak, bazeia ba lei iha Timor no oinsá bele partisipa rasik iha seguransa sosiál, no kontribui ba iha seguransa sosiál liliu ba servisu nain Timoroan sira.
“Ami ho parseiru sira organiza seminar kona-ba Direitu no Dever servisu nain sira iha Timor, inklui mós ita nia prosesu sosiál ne’ebé empregadór hotu iha Timor tenke kumpre. Tanba Oxfam hanesan NGO Internasiinál, ne’ebé servisu iha Timor, iha nia empregadór Timoroan, husi rai liur mós iha, entaun importante ba ami no ami nia ekipa, no parseiru sira atu bele hatene kona-ba ninia direitu no dever ho di’ak bazeia ba lei ita nian rasik”, dehan Country Directór Oxfam Oxfam iha Timor-Leste, Fausto Belo Ximenes, ba jornalista sira iha City-8 Manaleiu, kuarta 9/11.
Nia haktuir maske Oxfam hanesan organizasaun internasionál, maibé tenke kontinua atualiza informasaun no koñesimentu sira ne’e ba nia ekipa sira, no nia paseiru sira, para sira rasik mós hatene regras no lei sira aplika iha Timór-Leste.
Entertantu iha seminariu desemina informasaun kona-ba direitu no dever ne’e, oradór mai husi Sekretáriu Estadu Formasaun no Profisonál Empregu (SEFOPE) no Institutu Nasionál Seguransa Sosiál (INSS), no partisipa husi funsionáriu Oxfam no parseiru lokal sira.
