Reportajen Filomena da Conceição
Sekretáriu Estado Juventude e Desporto (SEJD) liu husi nia reprezentante Diretora Nasionál Desportu no Alta Kompetisaun entrega Premiu ba manan nain world Games Qatar/Abudabi iha tinan 2019.
Diretora Nasionàl Desportu no Alta Kompetisaun, (DNDAK) Maria Luiza Monteiro, dehan ohin entrega premiu ba altletismo nain walu kompostu husi feto na’in haat no mane na’in ha’at husi atleta espesial Olimpiku ne’ebè manan nain ba World Games Katar/ Abudabi iha tinan 2019. Nune’e mós fó apresiasaun ba atleta sira ne’ebè mak partisipa ona iha eventu world Games ne’e.
“Governu fò apresiasaun ba ita nia atletas sira ne’ebè maka ba partisipa atividade iha 2019, tuir lolos prosesu ne’e hala’o tiha ona tanba mai iha 2020 ho 2021 iha problema Covid tanba ida ne’e maka governu ohin mai partisipa hodi atribui premiu ne’bè prosesu hodi entrega premeiu ba ita nia atleta sira ne’ebé mak hetan ona medalla iha eventu refere” dehan Diretora DNDAK Maria Luiza ba jornalista sira iha restorante kafè Letefoho hafoin entrega premiu, sexta 02/12.
Nune’e, premiu ne’ebè Sekretariu Estadu Joventude Desportu entrega ba atleta nain walu ne’e, ho totàl orsamentu hamutuk $12.000, no orsamentu hirak ne’ebè entrga ba atletismo sira ne’e kategoria tuir medalla ne’ebè sira hetan iha Abudabi.
“Totàl orsamentu ne’ebè mak apoiu ba ita nia atleta sira ho Total orsamentu $12.000, ne’ebè fahe ba kategoria husi medailla Ouro, medalla orsamutin , mean no metan , no ita fo orsamentu kategoriasaun tuir nia medalla. Nune’e kategoria ne’ e orsamentu iha medalla osan mean iha $1.500, Ouro 3.000, osamutin iha $1.000, orsametan iha $750” Nia afirma.
Iha fatin hanesan Presidente Espesiál Olimpiku haktuir, tuir lolos premiu hirak ne’e governu etrega antes ona ba iha atleta sira maibèlé tanba problema de Covid mak ohin loron foin atribui. Nune’e nia parte mós apresia ba altetismu sira maské ho kondisaun difisiensia maibè sira bele hasa’e no valoriza ona governu RDTL iha nivel Mundiál.
Depois de tinan tolu tanba situasaun Covid nomós problema sira seluk finalmente ohin oitavu governu ho nia sensibilidade tebes bele ona atribui apoiu ne’ebé atleta spesial olimpiku sira merese premiu ne’ebè sira hetan iha Abudabi iha 2019., balun hetan primeu iha $3,000 too $ 750 husi atleta feto no mane hamtuk ho sira nia familia fiar katak osan sira ne’e sira bele utiliza ho di’ak estadu ho sosiedade bele duni fo rekoiñesimentu ba ema ne’ebè mesmu ke nia situasaun espesial iha difisiensia intelektual maibè hasa’e no valoriza governu RDTL nia naran iha nivel Mundial.
“Iha 2023 sei iha fila fali world Games no ita sei respeita mos rekezitus ne’ebè iha atu bele nafatin kompete haesan baibain ita kompete tiha ona iha iha, existensia espesial Olimpik nian liu tiha , tanba ida ne’e ha tinan ida nee prepara hela nain neen dependeba numeru ne’ebe sira fò sai.” Nia informa
Seremonia atribuisaun premeiru ne’e hetan partisipasaun husi Diretora Nasionàl Desportu no Alta Kompetisaun Maria Luiza Monteiro, presidente espsial Olimpiku Maria Domingas F. Sarmento, Atleta nain walu no familia atletismo.
