Reportajen Filomena da Conceição
Alumi Parlamentu Foinsa’e Timor-Leste (APFTL) lansa programa feto foinsa’e sékulu XXI hamutuk 21, hodi enkoraja joven feto no labarik feto sira iha territóriu Timor-Leste. Tanba organizasaun APFTL importante ba feto foinsa’e sira, atu enkoraja sira nia ideia hodi kontribui ba dezenvolvimentu Nasionál.
Prezidente Alummi Parlamentu Foinsa’e Timor-Leste, (APFTL) , Zaulino G.da Silva hateten programa feto foinsa’e sékulu XXI, hanesan programa ida ne’ebe APFTL hakarak lansa tanba APFTL iha espasu ida oinsá atu empodera joven feto sira ne’ebé mai husi postu hotu iha Timor laran. organizasaun ida ne’e atu bele iha espasu ida para atu bele empodera sira hodi diskuti Asuntu sira ne’ebé pertinente ho joven feto no labarik foinsa’e sira iha Timor-Leste. Aleinde ne’e sira mak sei lidera hodi mobiloza rekursu sira atu halo diskusaun ba asuntu sira hanesan edukasaun, Saúde, seguransa no Asuntu sira ne’ebé liga ba asuntu sira ne’ebé liga ba feto sira.
“Objetivu halo lansamentu asembleia ne’e atu relata hikas fali relatorio anual 2022 ba membru sira atu bele garante akuntabilidade transparensia ba membru sira. Aleinde ne’e mós halo aprenzenta hikas fali propriedade 2023 nian” dehan Prezidente APFTL Zaulino, Iha INAP Comoro, sexta 17/02.
Iha fatin Hanesan sekretária APFTL Rosalia M. Moruk, haktuir, organizasaun APFTL importante ba feto foinsa’e sira atu enkoraja sira nia ideia hodi kontribui ba dezenvolvimentu Nasionál.
“Organizasaun APFTL ne’e liuhusi programa feto foinsa’e enkoraza ha’u atu hola parte iha organizasaun ida ne’e tanba situasaun ida agora situasaun ne’ebé modernu no oportunidade hotu ita tenke aproveita tanba tempu uluk mak ita bele dehan mane mak iha direitu atu partisipa atividade hotu, maibé era ida modernu ita mos presiza promove feto sira tanba ideia hotu ba iha dezenvolvimentu paíz ida ne’e ita presiza feto hotu nia ideia, tanba ha’u feto ida nune’e hau mós iha ideas sira atu kontribui ba dezenvolvimentu rai ida ne’e nian liuhusi saida mak ha’u aprende. Tanba buat ne’ebé ha’u aprende ha’u rai iha ha’u sei mak laiha Valór tanba ne’e ha’u presiza fahe fila fali atu nune’e bele kontribui hamutuk ba nasaun ida ne’e liuhusi hola parte organizasaun feto ida nian”, Dehan Rosalia.
Aleinde ne’e nia esplika movimentu Asosiasaun Alumi Parlamentu Foinsa’e Timor-Leste (APFTL) hanesan movimentu ida ne’ebé atu halibur hamutuk, rona hamutuk inspirasaun feto nian liuhusi problema ne’ebé sira hasoru atu bele haree solusaun hamutuk.
Entretantu seremonia lansamentu nee hetan partisispasaun husi membru APFTL, Presidente APFTL, reprezentante Sekretáriu Estadu igualidade Jéneru no Gropu Mulher parlamentár Timor-Leste (GMPTL).
