Reportajen David da Costa
Partidu politiku sira kontinua envolve labarik sira iha kampaña, tanba ne’e Assosiasaun HAK husu ba Partidu politiku sira atu kontinua kumpre regra sira durante Kampaña Eleisaun Parlamentar, iha loron eleisaun, no to’o kontajen Rezultadu Eleisaun Parlamentar.
Diretór Ezekutivu Assosiasaun HAK, Feliciano da Costa Araújo, hateten, hamutuk ho nia Rede Grupu Alvu Estratejiku (GAS) husi Munisipiu Baucau no Dili , ne’ebé hala’o Monitorizasaun ba Kampaña Eleisaun Parlamentar tinan 2023, hahú hosi loron 6-13 Maiu identifika iha partidu balun kontra regras ba Kampaña Eleisaun Parlamentar nian ne’ebé komete hosi Partidu Politiku sira.
Nune’e regras ne’ebè Partidu Politiku hanesann Partidu Unidade Dezenvolvimentu (PUDD), Partidu Consellu Nacional Resistência Tomor (CNRT), Partidu Frente Revolucionário Timor-Leste Independente (FRETILIN), no Partidu Libertasaun Popular (PLP) la kumpre maka kontinua envolvimentu labarik sira sira iha kampaña.
“Iha loron 06 Maiu, Partidu PUDD realiza komisiu iha Tasi Tolu ne’ebé envolve labarik sira. Loron 07 Maiu Partidu CNRT realiza kampaña ho tipu dialogu Komunidade iha Munisipiu Baucau, Suku Buruma, iha partispasaun husi labarik. Iha tempu hanesan partidu CNRT realiza dialgu iha Postu Venilale iha mós partisipasaun labarik, no Partidu CNRT mós realiza dialogu ho Komunidade iha Suku Buruma, Postu Baucau Villa, iha partisipasaun husi labarik,” dehan Diretór Ezekutivu Assosiasaun HAK, Feliciano da Costa Araújo, liuhusi Konferénsia Imprensa, iha Edifisiu HAK Farol, Tersa 16/05.
Alende ne’e mós, Iha loron 07 Maiu Partidu FRETILIN hala’o dialogu ho Komunidade sira iha Bairo Karantina Suku Comoro , Postu Administraivo Dom Alexo , mós iha partispasaun husi labarik. Iha loron 13 Maiu PLP hala’o Mini Komisiu iha Kampaun Mulia “Wai-aka” postu Administrativu Quelicai, Munisipu Baucau iha mós partisipasaun husi labarik inklui uza atributu partidu nian.
“Tanba ne’e, ita rekomenda beibeik, oinsa parte relevante atu toma medida ka toma konsidersaun ba ida ne. agora ida seluk maka dala ruma inan aman, sira hatene katak buat ne’e ita viola, mas maibé dala ruma inan aman, sira nia oan ezije hakarak lori sira nia oan ba,” nia esplika.
Tanba ne’e, Asosiasaun HAK husu ba Partidu politiku sira atu kontinua kumpre regra sira durante Kampaña Eleisaun Parlamentar, iha loron eleisaun, no to’o kontajen Rezultadu Eleisaun Parlamentar. Partidu politiku sira presiza hatudu maturidade politika no hatudu ambiente ne’ebé nakonu ho dame no fó folin ba valor no kualidade demokrasia iha nasaun ne’e
Nune’e mós HAK husu Ba partidu Politiku hotu-hotu iha komisiu hato’o progama politiku hadia povu nia moris evita insulta malu iha palku
“Ba sidadaun sira hotu, HAK husu atu ejerse ita – nia direitu demokrátiku ho konsiensia tomak,” nia husu ba sidadaun sira.
