Reportajen David da Costa
Sekretáriu Tekniku da administrasaun Eleitoál (STAE) rejeita kona-ba informasaun sira ne’ebé maka lansa katak tinta ba elisaun ne’e laiha kualidade. Tanba tinta ne’e halo teste dala rua hamutuk ho partidu politikus sira hotu konkorda maka uza tinta ne’e.
Diretór Jerál STAE, Alcino Manuel Branco, hateten ohin tun ba iha terenu hodi haree, no halo komfirmasaun bai ha munsipiu sira hotu maibé laiha problema konaba tinta ne’e
“Ha’u tun iha tereinu hotu, ha’u halo konfirmasaun ba Munisipiu hotu-hotu, afinal informasaun ne’e lalos,” dehan Diretór Jerál, Alcino Manuel Branco, iha sentru votasaun eskola Farol, Domingo 21/05.
Alcino mos esplika katak tinta nene’e mai kuaze fulan ida antes elisaun ne’e, no tranporta kedas ba iha munisipiu hotu. Tinta ne’e liuhusi prosesu ida ne’ebé mak naruk maka foin hola, no halo teste dala rua hamutuk ho partidu politikus sira hotu-hotu. Partidu hotu konkorda ho nia kualidade tinta ne’ebé maka haruka bá ne’e.
“Tinta ne’e tuir estandar internasional, soke iha sentru balun maka ofisial balun la kumpri didiak instrusaun ne’ebé maka iha. Tinta ne’ebé maka rai kleur entaun nia labele kahur, ne’e bele akontese. Depois ita halo komfirmasaun ba iha sentru votasaun hotu-hotu afinal ne’e la los, agora ita boot sira haree ha’u prekore iha sentru hotu-hotu laiha provas,” Diretur Jersl ne’e esplika.
Nia salienta tan, hanesan mos informasaun mai husi sentru votasaun balun iha Munisipiu. Hanesan iha Manufahi, sentru ida iha vila mós dehan tinta la moos, ho ida ne’e SATE Nasional orenta kedas Diretór Munisipiu to’o kedas iha ne’ebá hodi halo komfimasaun, afinal informsaun ne’e lalos.
“Ha’u rejeita totalmente tanba tinta ne’e kualidade, i hotu-hotu konkorda maka lori sosa tinta uza ba elisaun,” Alcino dehan.
