Reportajen David da Costa
Iha governu foun mai ne’e, komunidade sira iha esperansa boot ba sira katak bele resolve probelma ne’ebé povu hasoru, liuliu kampu traballu ba joven sira, setór eduksaun, saude, eletrisidade, estrada, agrikultura no infraestrutura sira.
Elitór Lucas Pereira, hateten, Timor-leste hasoru problema barak durante ne’e. Iha tinan lima nia laran ne’e estrada iha Dili laran balun sei ladiak, piorliu iha foho ne’e kuaje estrada aat totál la hadi’a. Depois eletrisidade iha Dili maka diak uituan mas iha foho ne’e kuaje lakan mate, dala ruma semana ida lakan dala tolu.
“Ha’u vota tiha ona, ha’u suporta se, buat ne’e segredu ita ema ida-idak nian,” dehan Lucas ba neon metin iha sentru Votasaun Eskola Farol, Domingo 21/05.
Lucas mós iha esperansa ba iha governu foun bele hadi’a infraestrutura, no edukasaun. Saude ne’e pelemenus ai-moruk tenke iha, se lae hanesan povu biasa ba hospital aimoruk laiha, no loke kampu traballu ba jovens sira
Nune’e mós elitora Alda Maria hateten, durante ne’e Timor-Leste hasoru problema barak liu, liuliu maka estrada, bee moos, eduksaun no saude, nomós ba joven barak maka halerik hela ba kampu de trabllu. Hanesan jovens sira eskola to’o licensatura mai hamutuk fali ho inan aman faan fali modo tahan, faan pulsa iha dalan, faan fali OB, ida ne’e triste boot.
“Ha’u vota tiha ona, no ha’u suporta avo Nana, ha’u hakarak avo nana bele lori mudansa ba oin tanba, sekarik Avo Nana la lori ha’u sente joven sira no povu sei terus ba beibeik,”dehan Alda.
Nia mós iha esperansa katak ba iha governu foun mai ne’e bele resolve probelma ne’ebé maka povu no joven sira hasoru ne’e, nomós bele realiza sira nia programa ne’ebé maka sira promete ona, labele sai fali hanesan tinan lima ba kotuk ne’e.
Elitór Cesar dos Santos de Carvalho mós hateten, durante ne’e Timor-Leste hasoru probelma maka kona-ba infraestrutura, edukasaun, saude, estrada, eletrisidade, agrikultura, nomós laiha kampu de traballu no joven barak buka dalan seluk ba fali rai liur ida ne’e problema boot, lolos governu bele kria kampu traballu ba jovens sira no investe iha setór produtivu sira.
“ha’u vota tiha ona, atu suporta se ne’e, mai ha’u sente votu ne’e segredu no ha’u labele hateten sai,” nia dehan.
Nune’e nia mós esperansa ba iha elisaun ida ne’e maka espera katak elisaun ne’e bele lao diak no iha paz no estabilidade atu nune’e povu bele maun mai ezerje nia direitu. No esperansa ba governu foun bele investe iha setor produtivu hanesan agrkultura, turismo atu nune’e bele kria kampu traballu ba joven sira, bele resolve probelma eduksaun, saude, eletrisidade no infraestrutura sira.
Elitora Elia de Fatima hateten, iha Timor-Leste ne’e probelma boot maka laiha kampu traballu, tanba joven sira eskola hotu sira laiha servisu no halimar iha uma deit. Probelma seluk maka infraestrtura, eduksaun,saude no agrikultura.
“Ha’u vota tiha ona, atu dehan suporta se ne’e tuir konsiensia ema ida-idak nian ne’ebe ha’u labele hateten iha ne’e. maibé finalmente ha’u suporta ba ema ne’ebé ba oin bele fo oportunidade diak ba Timor sira no ukun ita nia rai ne’e ba oin diak liu tan,”nia dehan.
Enkuantu Elia mós iha esperansa ba iha governu foun se deit maka sae bele kria paz no estabilidade no bele loke kampu traballu atu nune’e jovens sira ne’e laiha servisu ne’e bele servisu, nune’e mós bele hadi’a setór sira importante hanesan saude, edukasaun, agrikultura, infraestrtura sira.
