Reportajen Zevonia Vieira
Asosiasaun Defisiensia Timor-Leste, Ra’es Hadomi Timor, Core Group Transparency, Oxfam iha Timor-Leste no grupu promotor ne’ebe durante ne’e halo advokasia no influensia ba Orsamentu Jeral Estadu inkluzivu no direitu Ema ho Defisiensia nian (EhD), enkoraza Ministeriu sira no Parlamentu Nasional, hodi bele kria asesibilidade iha ida-idak nia servisu fatin, atu nune’e bele fasilita maluk defisiénsia sira.
Iha Submisaun konjuta ne’ebe halo hamutuk ne’ebe Neon Metin asesu katak, laos deit atu kria asesibilidade iha arredores Ministériu no Sekretáriu Estadu ninia edifísiu, maibé ami hakarak governu no estadu Timor Leste tenke halo investimentu orsamentu estadu ne’ebé adekuadu, hodi bele responde ba nesesidade Ema ho Defisiénsia sira nian iha Timor-Leste.
Liu husi infrastrutura públiku ne’ebé asesivel, sistema informasaun ne’ebé inkluzivu integradu no asesivel, iha fasilidade no ekipamentu ne’ebé adekuadu hodi fasilita no responde ba nesesidade tipu defisiénsia oi-oin ne’ebé Timor-Leste iha, liu-liu iha eskola, iha ospitál, no mós iha fatin públiku sira hotu. Atu nune’e Ema ho Defisiénsia sira mós bele goza sira nia moris ho livre no independentemente.
“Ami espera katak pontu save sira ne’ebé ami deskreve iha submisaun ne’e sei ajuda Distintu Deputadu/a sira hodi halo diskusaun kle’an liu tan ba proposta Lei Orsamentu Jerál Estadu 2023 molok halo aprovasaun final iha Parlamentu Nasionál”. Esplika iha submisaun, 15/11
