Reportajen Adroaldo “Saretukau”
Iha kontinuasaun debate Programa IX Governu nian loron daruak, tersa-feira (19/07), iha Parlamentu Nasional, Deputadu Bankada Kmanek Haburas Unidade Nasional Timor Oan (KHUNTO), António Verdial, hato’o parabéns ba IX Governu nia programa sira no nia husu ba Ministériu Saúde atu tau matan ba Ospital Nasional nomós hadi’a setor Edukasaun sai di’ak liutan.
Deputadu ne’e hatete, Bankada KHUNTO sei suporta hodi fo votu ne’ebé di’ak ba programa sira, hodi lori dezenvolvimentu ba nasaun no povu.
“Ha’u tatoli lia-fuan murak ba exelensia Ministra Edukasaun, favor boot ida tau hela matan ba problema ka kazu ligadu ba rekursu umanu ho áreas infrastrutura edukativa iha ita boot nia área rasik.”
Hodi hakotu nia intervensaun nia husu “ba Ministra Saúde favor ida tau matan ba Ospital Nasional Guido Valadares, kria kondisaun ba, nune’e bele atende pasiente sira ho di’ak no saudável.”
