Reportajen Joselina dos Santos
Asosiasaun Defisiénsia Timor-Leste (ADTL), sei halo sensibilizasaun kona-ba programa bolsa da mãe ba jerasaun foun ba Ema ho defisiénsia sira iha área rural atu sira bele asesu hodi rejistu ba programa bolsa da mãe atu bele hetan subsidiu. Atu nune’e bele redus malnutrisaun no pobreza iha Timor-Leste ne’ebé alvu ba inan isin-rua no labarik sira ho idade 0-6 anos liu-liu labarik defisiénsia.
Diretór Ezekutivu ADTL, Cesario da Silva ba Neon Metin, hateten, atividade ohin ne’e sensiabilizasaun kona-ba kontrolu bolsa da mãe ba jerasaun foun. Tanba ida ne’e ohin sira komvida Ministeriu Solidariedade Sosial Inkluzaun atu mai siensibiliza progrma bolsa da mãe ba jerasaun foun ba organizasaun hotu ne’ebé servisu hodi tau matan ba ema ho difisiénsia.
“Programa ida ne’e ami nia membru sira ne’ebé durante ne’e servisu ba asuntu inkluzaun difisiénsia. Entaun objetivu husi atividade ne’e mak ami bele sensiabilizasaun informasaun atu nune’e ami bele entende kona-ba programa bolsa da mãe ne’ebé dadaun governu realiza”, dehan, diretór ezekutivu ADTL Cesario da Silva ba Neon Metin iha kanaar fatin Maskarinas Balide, kuarta 16/08.
Nia haktuir, programa ne’e hahú iha tinan kotuk liuhusi dekretu lei numeru 22/2021 ne’ebé governu implementa ona programa ne’e iha 2022. Nune’e sira hakarak hatene nia rekezitus ne’e oinsá maka bele prefere liu ba labarik ho labarik defisiénsia. Tanba progrma ida ne’e objetIvu prinsipál ida maka atu reduz malnutrisaun no pobreza iha Timor.
“Programa ne’e diak tebes, tanba situasaun ne’ebe ami observa mak labarik ho difisiémsia barak liu maka hasoru problema oin-oin. Entaun programa ida ne’e ami kobre mós labarik ho difisiénsia tinan 0-6 ne’e duni ami hakarak buka hatene ADTL nian menbru sira, ohin loron hakarak rona direta husi MSSI atu bele tulun sira iha baze liu-liu komunidade difisiénsia atu bele refere labarik ho difisiensia sira ba iha programa bolsa da mãe nian,” nia esplika.
