Reportajen Filomena da Conceição
Kordenadór grupu Forum Joventude Difisiensia Ermera (FJDE), Marcos Martins, hateten grupu FJDE hanesan grupo ida ne’ebé harii iha loron 18 fulan setembro iha tinan 2019, ne’ebé kompostu husi ema ho Difisiensia nain-3 no la ho Difisiensia nain rua, objetivo husi forum refere atu inova no transforma Produtu Kafé ho Hena.
“Grupo ne’e harii tanba atu transforma no inova produto sira liu-liu produtu kafé ne’ebé bai-bain ema hateten katak riku fulan tolu no kiak fualn sira”, dehan kordenador FJDE, Domingos ba jornalista Neometin, iha Fundasaun Haburas Farol, Tersa, 19/12.
Gropu FJDE sempre mai ho objetivu ida oinsá atu atu rai kafé ba iha tempu naruk, tanba ne’e grupo refere hamriik hodi fasilita komunidade sira hodi tetu sira nia kafe hodi distribui ba iha sira nia kliente sira.
“Osan hirak ne’ebé ami nia grupu ne’e hetan sei ba sustenta fila ami nia família uma laran liuliu atu sustenta oan nia eskola, no iha ami nia grpu iha estudante balun ne’ebé kontribui mós iha grupo refere tanba ne’e osan hirak ne’ebé sira hetan sira bele sustenta ba sira-nia estudu,” Dehan Marcos
Grupo FJDE, hahu primeiru kompostu ema nain 5, ema ho Difisiensia nain tolu no ema la ho difisiensia nain rua, no agora dadaun gupu refere sae ona ba ema nain 9, kompostu husi ema ho Difisiensia nain 5 no la ho Difisiensia nain 4, no iha gropu refere estudante balu deside hodi tama grupu nee tanba sira hakarak investe an iha agrikultura hodi promove setor agrikultura iha Timor-Timor-Leste tanba setór agrikultura hanesan faze importante hodi ema hotu garante bainhira mina maran.
Aliende ne’e grupo refere iha atividade tolu ne’ebé sira realiza mak hanesan promve tanlent alfaiate ne’e liu-liu ba feto sira, ne’ebé iha inisiativa atu produs hena sira, atividade ida mak kuda, hudi ai-nanas ai-dila no produsaun ba Kafé.
