Reportajen Joanina Casemiro
Juventude sira husu kandidatu Prezidente Repúblika Períodu 2022-2027 ne’ebe sei eleitu iha ronde daruak, tenke kumpre promesa sira ne’ebe hato’o iha kampaña eleitorál, liu-liu konaba setór saúde, edukasaun, agrikultura, infraestrutura, eletrisidade no seluktan
Juvelina Da Cruz (22), husi Suku Mota Ulun, postu Administrativu Bazartete, Munisípiu Liquisa husu ba kandidatu Prezidente Repúblika, tenke servisu no iha kontribuisaun di’ak ba malu, hodi servi povu no nasaun Timor-Leste ida ne’e ho dignu.
“Hanesan joven ida ha’u hakarak ezije ba kandidatu sira, presiza tau importánsia ba juventude sira, bele kria kampu de traballu barak iha ita nia nasaun rasik, tanba juventude barak mak remata ona nia estudu iha nível Universitariu maibe la iha servisu,” Dehan Juvilina ba Neon Metin iha Fatuhada, 2/04.
Henrique Correia Reresinho Freitas (25), husi Suco Loi-lubo, Postu-Administrativu Vemasse, Municipiu Baucau, ho nia esperansa katak kandidatu ne’ebe eleitu karik tenke hadia povu nia moris , garante paz no estabilidade iha rai laran tuir komprimisiu eleitoral ne’ebe sira halo
“Promove diálogu, rona ideias husi entidade hotu, ne’ebé mak hamahan an iha orgaun Estadu nian, halo relasaun bilateral ne’ebe di’ak ho nasaun viziñu sira, atu nune’e halo investimentu mai Timor hodi transforma povu nia moris liu husi loke kampu servisu ba Timor oan sira,” Dehan Henrique ba Neon Metin liu husi via telefone iha Postu Vemasse Munisipiu Baucau.
Henrique nia preokupasaun konaba korrupsaun ne’ebe akontese iha rai laran, sekarik entre kandidatu nain rua ne’ebe eleitu, bele halakon korrupsaun iha rai laran, interese privadu no partidária nian. Servisu hamutuk ho governu no entidade hotu, atu hadi’a infraestrutura rai laran, hahú nasional to’o iha baze atu nune’e bele transforma povu nia moris nee sai diak liu tan.
Domingas Da Silva Gonsalves (20), husi Suku Comoro, Postu Administrativu Dom Aleixo, Munisipiu Dili hato’o nia esperansa ba kandidatu Prezidente ne’ebe mak mana, tenke hdia ekonomia ra laran, tane nafatin Konstituisaun RDTL Repúblika Timor-Leste no hadi’a ita nia nasaun no lori nasaun ne’e ba oin.
“Se Prezidente Repúblika foun ne’ebé makpPovu sei hili iha eleisaun tenke tau matan iha nivél edukasaun, agrikultura, Saúde, infraestrutura, atu haree iha ita nia nasaun ne’ebé realidade iha Aldeia ka Suku balu ne’ebé to’o ohin loron seidauk asesu ba Sentru Saúde, Edukasaun no Estrada,” Dehan nia.
Nia husu nebe sei eleitu tenke kumpri nafatin misaun no visaun ne’ebe mak sira promete iha kampaña primeiru no kampaña segundu, liu-liu kona-ba hadi’a ba Estrada, Bee Mos, Saúde no Edukasau no mos Agrikultura. Nune’e mos situasaun ekonomia ne’ebe daudaun ne’e povu hasoru liu-liu folin mina sa’e inklui sasan seluk tenke tau prioridade ba ida ne’e tanba povu kiik sira susar atu hola.
Simão de Jesus (36), Suku Fahi-soi, Posto Administrativu Remexiu Municipio Aileu hatete, Ho fiar metin katak Kandidatu ba sengundu Volta entre nain rua ne’ebe mak Eleitu tenke la’o ho di’ak no ida ne’ebe mak povu fó fiar iha eleisaun tuir mai nee nia sei tenke ezerse nia funsaun ho diak.
“Hanesan foin sa’e husu ba Prezidente Eleitu foun iha eleisaun tuir mai tenke ukun ho vontade, Ukun tuir Konstituisaun RDTL no Hadomi povu, no labele halo povu terus hasai povu husi kiak no mutik Labele ukun ho Viola kontituisaun RDTL,” Dehan Simão.
Veronica Ribeiro (24), husi Afaloicai, Postu-Administrativu Uatu-Lari Munisipiu Viqueque, nia esperansa ba Kandidata Republika ne’ebe mak sei manan, tenke tau funsaun ho diak hodi ukun povu
“La bele abandona sira nia promesa ne’ebé mak promete durante iha tempu kampaña nia laran, no keta halo promesa falsu ba povu. Depois hetan votus hodi sa’e ba Prezidente da Repúblika haluhan tiha promesa hirak ne’ebé povu tau fiar-metin ba sira”, dehan Simao
Liborio Antonio dos Santos (54), Husi Suku Loi-Lubo, Postu-Adminstrativu Vemasse Munisipiu Baucau katak Husu ba kandidatu Prezidente da Repúblika foun iha periode 2022-2027 nian, se mak eleitu sai hanesan Prezidente Repúblika iha tinan 5 oin mai tenke tau mos importantasia ba iha area rurais liu-liu ba iha estrada no mos eletrisidade sira iha territóriu Timor laran tomak ne’ebé mak uluk halerik to’o oin loron. Nune’e mos promulga Lei no OJE karik tenki fo benefisiu ba povo ki’ik sira.
