Reportajen Filomena da Conceição
Liu husi komferénsia Imprensa, Organinasan Rezistensia Sagrada Família (ORSF/OSF) husu ba komandu Falintil Forsa Defesa Timor-Leste (F-FDTL) no Poplisia Militár atu retira nian membru sira ne’ebé maka envolve iha evikasaun ba iha komunidade sira ne’ebé okupa espasu públiku iha sidade Dili.
Portavoz ORSF/OSF, Abrao José, hateten, hafoin deklara observasaun no akompañamentu politika IX Governu Konstitusional ida ne’e, liu husi Sekretáriu Estadu Asuntu Toponomia organizasaun Urbana (SEATOU), ne’ebé ho forsada halo eviksaun ba komunidade sira ne’ebé okupa espasu públiku iha sidade Dili.
“Husu ba Komandu F-FDTL Unidade Polisia Militar atu retira membru PM sira ne’ebé Involve iha eviksaun hodi hatuur loloos tuir konstituisaun”, dehan portavoz Abrao José Pereira ba Jornalista sira iha komunikadu Imprensa, Iha sede Nasionál ORSF Fatuhada, kinta 2/05.
Nia haktuir tan katak jeralmente ORSF suporta politika refere ho intensaun atu ordena espasu públiku, nо premove dezenvolvimentu urbanu iha Dili. Maibé prosesu implementasaun ba eviksaun ne’e mak lamentavel tebes. ORSF nota katak autoridade governu lideradu husi SEATOU laiha mekanizmu sistemátiku no falta respeitu ba direitu umanus durante eviksaun. Eviksaun ne’e hala’o sem konsultasaun adekuadu no menos partisipasaun husi parte interesadu sira.
ORSF mos lamenta tebes ho atuasaun brutal ne’ebé SEATOU ho nia ekipa halo hasoru negosiante no populassun balun. Hahalok ne’e relembra fali violénsia naruk ne’ebé Timoroan barak hasoru durante okupasaun ilegál militär Indonézia. Fiar katak negosiante no komunidade hirak ne’ebe okupa espasu públiku, uluk sira mos defende husi okupasaun Indonesia ne’e sira laiha interese atu sai nain, maibé nu’udar meios ida atu hatutan deit sira nia moris.
Dirijente ORSF hamriik hamutuk no solidariza ba sofrimentu ne’ebé komunidade afetadu sira enfrenta tan lakon hela-fatin, lakon fatin atu buka moris, lakon rendimentu iha situasaun ne’ebé ekonomikamente vulneravel. Liga ha situasaun ida-nee, ORSF hato’o ejijensia no rekomendasaun ba estadu, liu liu guvernu ata prepara aranzu politika públiku ida neʼebé mak pro-povu hodi la sakrifika povu doben sai mukit no kiak liu tan.
“Ami husu ba PM Kayrala Xanana Gusmão no Konsellu Ministru atu avalia fali politika publika estadu nian liga ba eviksaun ne’ebé hele prevene aproximasaun violentu no forsadu. No husu ba PR no PM fo atensaun no regulariza komportamentu husi ekipa ne’ebé implementa eviksaun atu bele hala’o ho profisional no labele utiliza intimidasaun no terror nu’udar meios atu atinje objetivu ba eviksaun. Eviksaun forsada hanesan ne’e sei promove liutan dizigualdade, injustisa no marjinalizasaun ba sidadaun sira ne’ebe mak sosio- eknomikamente vulneravel,” ORSF husu.
uine’e mós husu ba komandu PNTL atu bolu atensaun no loke prosesu investigasaun ba aktu brutal ne’ebé pratika husi membru PNTL balun iha terenu ba joven ne’ebé deskonfia uza lia fuan mal hasoru SEATOU.
“Ami mós rekomenda ho urjente Governu harii sentru akollamentu ba familia vulneravel sira hodi asegura sira nia direitu inklui labarik, ema ho defisiensia no inan isin rua. Governu labele ignora ninia obrigasaun atu fornese asistensia ba familia afeitadu sira ne’ebe dezloka ona iha fatin seluk liliu kria merkadu alternativu hodi sira kontinua atividade no prevene sira diak liu tan ba situasaun vulneravel,” ORSF rekomenda liutan.
ORSF mos husu ba PAM Dili Greagrio Saldanha nu’udar figura rezisténsia no sobrevivente ba Masakre Santa Cruz, atu halo esforsu maka’as liu tan hodi la husik de’it terus no kanek ba Populasaun sira ne’ebé mak foin lalais lakon hela fatin no fatin negósiu, maibė liu – liu esforsu atu harii fatin seluk apropriadu ba sira hodi kontinua hala’o sira nian moris.
