Reportajen Silvino Freitas
Asosiasaun Jornalista Timor Leste (AJTL) realiza forum dijital ba estudante sira husi eskola ensinu baziku 3 siklu são jose operario ho 30 de agostu no ensinu sekundaria husi 4 de setembru, hodi sosializa literasia dijital no Artificial Intelligence (AI) hodi hasae konesimentu no abilidade atu uza plataforma dijital nunee mos iha konesimentu atu uza internet neebe saudavel iha ambitu membru ASEAN.
Prezidente AJTL Zevonia Veira, forum dijital nee realize atu fahe konesimentu ba estudante sira kona-ba AI no literasia dijital ba estudante sira husi ensinu baziku no sekundaria nunee iha adezaun timos leste iha ASEAN nee estudante sira tenke iha konesimentu oinsa uza internet ho saudavel, nunee materia neebe fahe iha forum dijital nee maka direitu atu uza dijital hodi kontra bullying no uza dijital hodi uza ba direitu liberdade espresaun iha plataforma dijital nian.
“husi peskizador AI mos sei aprezenta sira nia peskiza neebe sira halo liga ho AI nia impaktu ba joven sira nunee AJTL rasik mos sei sosializa literasia dijital ba estudante sira” dehan Prezidente AJTL Zevonia Veira hafoin halo abertura ba forum dijital iha salaun Yayasan HAK Farol, (13/11).
Nia dehan tan, forum nee realize iha loron ida no sei mos espasu ba joven sira hodi halo diskusaun ho sira nia rekomendasaun ba governu atu solusiona problema neebe identifika, nunee estudante sira nee mak husi eskola ensinu baziku 3 siklu são jose operario ho 30 de agostu no ensinu sekundaria husi 4 de setembru no atividade hanesan mos halao tiha ona iha munisipiu Bobonaro, Likisa no Dili atividade sei apoia regular husi governu no sei halao nafatin hodi halo advokasia ba literasia dijital ho AI.
Fatin hanesan SECOMS Expedito Dias hateten, forum dijital nee atu halo literasia media nian ba estudante sira iha munisipiu hotu atu joven sira bele uza plataforma media social sira ho responsabilidade tanba dadaun nee ho avansa teknolojia nunee joven sira neebe la dun iha konesimentu bele fo impaktu bainhira sira uza telephone android hodi asesu ba fake news ho ida nee mak governu servisu hamutuk ho AJTL, UPJTL no TLPU hosi sosializa importansia sira husi media social ba joven sira nunee sira bele iha abilidade uza plataforma dijital ho responsabilidade.
“tanba nee ita bele minimiza HOAX Fake News Miss Informasaun neebe dadaun nee lao hela, ho teknolojia neebe avansa mosu tan tekonolojia foun naran artificial intelligence husi forum dijital neebe lao maka sei koalia konaba vantajen no desvatajen husi artificial intelligence tanba buat balun it abele aprende no buat balun mos bele lori informasaun falsa” dehan SECOMS Expedito iha salaun Yayasan HAK Farol.
Nia konklui, tana joven sira maka barak uza plataforma dijital nunee maka pertinente tebes ba governu atu realiza formasaun sira nee hodi joven sir abele iha konesimentu oinsa uza plataforma dijital sira, nunee husi formasaun sira nee sei lori espesialista sira plataforma dijital nian atu bele fahe konesimentu ba estudante sira, nunee estudante sira iha abilidade hodi reduz asesu hoax sira ida media sosial.
