Reportajen David da Costa
Tuir dados husi Husi Hospital Nasional Guido Valadares (HNGV), registu pasiente moras dengue hamutuk 535, husi ne’e na’in hitu-nulu resi ualu (78) mak grave loos iha HNGV no na’in haat-nolu resin tolu kaman iha fiel hospital Tasi Tolu no na’in hitu (7) maka lakon vida ona.
Diretór Servisu Apoiu Diagnóstiku no Terapeutiku iha HNGV, Vidal de Jesus Lopes, hatete, kazu moras dengue hahú husi fulan janeiru to’o mai iha loron 9 Fevereiru tinan 2026, iha HNGV ne’ebe maka balun fila ona hamutuk 535, no ema boot hamutuk na’i 18 no seluk ne’e mesak labarik ki’ik hotu. No atualmente baixa hela ne’e ema na’i 111, alta ona ne’e na’in 417, no ema na’in hitu (7) maka lakon vida ona.
Husi pasiente moras dengue ne’ebe maka sei ativu baixa iha hospital ne’e 111, no fahe ba iha fatin rua, Tanba balun Kondisaun grave, sira grave ne’e hotu-hotu iha HNGV, ida kategoria kaman ne’e maka ba hotu iha fiel hospital Tasi Tolu. Iha fiel hospital Tasi Tolu ne’e pasiente dengue ema na’in 43 no iha HNGV 78 ne’ebe maka agora grave loos baixa hela iha HNGV.
“Grave maka iha ne’e, kuandu ami kategoria kaman maka ba ne’eba. Tanba ita hatene distansia dook ne’e maka ami tetu hotu buat sira ne’e,” dehan Diretór Servisu Apoiu Diagnóstiku no Terapeutiku iha HNGV, Vidal de Jesus Lopes, ba Jornalsita sira iha hospital HNGV, Bidau, segunda 9/02.
Nia haktuir kona-ba rekursu umanu ne’e apoiu husi Ministeriu saude, ne’ebe laiha problema ho rekursu umanu, ne’ebe pesoal saude ne’e koloka ba iha fiel hospital Tasi Tolu ba jestaun dengue ne’e hamutuk 70 pesoas, ne’e kompostu husi mediku, emfermeiru, tenkniku aliadus ho sira seluk ne’ebe iha ne’eba ne’e pesoal saude supesente hela.
Maibé Iha HNGV nafatin uza Sistema laiha preparasaun espesifiku iha hospital ne’e, tanba iha ne’e uza nafatin pesoal saude sira ne’ebe agora halo hela sira nia servisu iha ne’e. Tanba ne’e, Kalaru jestaun ba dengue ne’e forma integradu, labele ekipa ida deit maka la’o fó solusaun ba buat hotu-hotu tanba ne’e tenke ho ekipa integradu.
Husi dados ohin relata ne’e munsipiu Dili maka aas liu, tuir fali maka Munisipiu Ermera ho Liquiça, espesifikamente Ermera ho Liquiça laiha adados tranferensia total, maibé jeral moras dengue ne’e husi Munisipiu Dili maka maka’as tuir Munisipiu Ermera ho Liquiça.
